من أسبوعين كنت أحوس في غرفتي وقلت لازم اسوي شي جديد يبهر زوجي فيني بنعومتي وبريحتي لاني اهملت نفسي كثير بعد ولادتي.. وفعلا حتى انا صرت كل شوي اشم نفسي و أتحسس نعومة جسمي ..
يلا نبدأ...
اولا:
أشتريت مفتح من ماركة GARNIER
وفعلا لاحظت ان وجهي صار مشرق وصافي من الكريم ورحت شريت الغسول
وكريم النهار
وكريم الليل ولقيت نتيجة مذهلة
**
واللحين نجي للخلطة الفتاكة اللي نعمت جسمي وخلته مشرق:
خذت لوز مطحون من العطار
+
ترمس مطحون
+
جوز الهند
+
جلسرين سائل
+
جنين القمح
+
طحينية
خلطت( 3 م ك لوز + 2 م ك ترمس + 2 م ك جوز الهند + 3 م ك جلسرين + 2 م ك جنين القمح + شوي طحينية )
خلطتها وحطيتها على جنب..
***
جهزت البانيو بمويه ساخنه شوي وقعدت فيها 5د وبعدها حطيت على جسمي
(صابون مغربي سائل)
وقعدت اسوي مساج بجسمي 5د وبعدو شطفته كويس بمويه دافيه
وبعدها اجيب الليفة المغربية الاصلية مو اللي تجي ناعمة لاء الاصلية تجي خشنة وتطلع لك بلااااااوي وانتي تفركين...
وبعدها غسلي جسمك كويس وجيبي الخلطة اللي سويتيها وحطيها على جسمك وفركي وفركي بيدك لين تدوخين ..
وبعدها اشطفي جسمك بمويه مائلة للبرودة..
طبعا بعدين راح تغسلين شعرك وتطلعين...
هنا جهزي خلطة لوجهك عشان يصير قمر يضوي..
( 2 م ك روبه + 2 م ك موية ورد + 2 م ك حناء بيضاء)
وشكل كيس الحناء البيضاء زي الطين المغربي بس مطحون ..
وخليها على وجهك ربع ساعة ..
وبعدها تعالي..:35:
ادهني جسمك ب بيبي اويل شوي لا تكثرين ..
وخليكي لابسه الفوطة ..
وبعدها حطي على جسمك كريم مخفي العيوب من بنفيت وريحته زي بودرة الاطفال تجنن
وبعدها حطي البودرة اللي فيها جليتر فوقها على كل جسمك بعد ريحتها تجنن
والبسي فستان ناعم او اي شي تحبين .. ورشي من نفس عطر هالماركة ..
وبعد كذا فلي شعرك وروحي لزوجك وشوفي رأيه فيك
وأتمنى عجبتكم طريقتي وتجاربي من خلال الخلطات والمنتجات واي شي اجربه راح اعطيكم خبر على طول..
دعواتكم ربي يسخرلي زوجي ويجعلني أميره بعيونه ويرزقني بالولد الصالح