خلطةة بنت عمي لكثافةة الشعر مره حلووه وسهله لا تستهينون بالعنوان

السلام عليكم ورحمةة الله وبركاته

حبايبي انا وعدت الصبايا اللي يردوون ع موضوعي
اني لاسدح لهممم طريقةة بنت عمي لكثافةة الشعر
وانا لسى عند وعدي ،
طبعآ زمان كانت امي تستخدمه وربي انها كانت تظفر شعرها مرتين يعني تفرقه مره ةتظفره وبعدين الثاني وتظفره من كثافته واخواتي اللي اكبر مني تخيلوو زمان شعرهم وربي الكل ينبهر منه ،خساره كنت ابكي عشان امي لاتمشط لي ع طووول كنت كدش مدري وش فيني عندي عقده من الزيووووت »بس لا وحده تسمع لبنتها وربي اني ندمانه مره ع شعري خفيف و على طول قصير لانه إذا طال يفشل من خفته ،، آها ع فكره اخواتي كانت ربطات الشعر والله ع ما اقوله شهيد انها تتقطع من كثافة شعورهم بس للامانه الحين شعورهم عاديه لان خلاص كبروا وماعاد يهتمووو مدري احس السر في يد الام ،،طيب هذي طريقةة بنت عمي قريب استخدمتها تقريبآ من سنه شعرها كان خفيف واستخدمت الزيت ونفع معاها وربي يشعرها الحين يهبل بس للامانه ما أدري كم فترة استخدامها لزيت وكم مره في اليوووم ، طيب طولت السالفه بس عشان تتحمسون ذكرت التجارب وانا ان شاء الله بستخدمها قبل زواجي ،،
المقادير:
زيت نارجيل +فص ثوم وحده بس
الطريقه:
حطي الزيت ع نار هاديه وبعدها حطي فص الثوم ع الزيت لين يصير لونه ذهبي طبعآ اتكلم عن فص الثوم ،وبعدها طلعي فص الثوم من الزيت وطفي النار وخلي الزيت يبرد ورجعيه العلبه وابدي استخدميه وبس
ملاحظه:سويها في وقت غير وقت الضيوووف لان ريحت الثووم قووويه يعني مثلآ ب أخر الليل ؛؛
والله يجعلها تفيدكم هالخلطه ما أبغى إلا دعوووه لي من قلب ان الله يووفقني دنيا وآخره......
وهذا كله لعيون زهرة اللوتس و سديم و ورده غآب ساقيهآ

طبعآ العلبه حقت اخواتي هي العلبه الخضر الكبيره بس بنت عمي ما أدري ايةة علبه بس كلها مفيده ،،
دعواتكم ان الله يتمم ملكتي ع خير وان تحاليل تضبط معانا ويشوفني اجمل النساء واحبهم إلى قلبه

القلم الرآقي