السلام عليكم خواتي واحب اشكر صاحبة الخلطة هذي من فترة خذتها من المنتدى وصارلي فترة استخدمها و ماكتبتها الا لما تأكدت منها ومكوناتها هي:
1- 3ملاعق سمن دلال ( انا اول ما استخدمتها حطيت سمن دلال بس بعدين اي سمن يكون موجود عندي احطه يعني مولازم سمن دلال )
2- ملعقة ونص زبدة
3- ملعقة ونص مايونيز
4- نص ملعقة زيت اللوز
5- ملعقة عسل
اخلطيهم عدل ودلكي فيه الشعر وخاصة الاطراف واتركيه لمدة ساعتين:time: بعدين غسلي شعرج بالشامبو اللي تستخدمينه وبعدين حطي على شعرج وهو مبلل كريم مان طبعاً عارفينه الابيض اللي غطاه اسود وعليه 4 نجوم خذي منه شوية وافركي فروة الراس وخلي شعرج لما ينشف وتمتعي بشعر ناعم لامع وصحي ..:icon28:
طبعا انا سويتها بس ما خليت شعري مفكوك لا لفيته ورحت عند اهل زوجي وعلي شيلتي لما رديت البيت وفكيت شعري تفاجأت فيه وبنعومته واللي تجربها تقوللي عن النتيجة :2thmup:
ونسيت اقول لكم اختي جربتها وأعجبتها الخلطةلان طبيعة شعرها عادي نفسي واختي الثانية خذتها وما اعجبتها لان شعرها طبيعته دهني يمكن ما تناسب الشعر الدهني يعني اللي شعرها دهني لاتستخدمها وتقولي اتلفت شعري بريت ذمتي من الحين يا بنات و راح تلاحظين وانتي حاطتها ان شعرج يصير جاف شوي بسبب العسل بس بعد ما تغسلينه راح تشوفين اللمعة الحلوة يعني جاف مؤقتاً مو على طول ولما تغسلين شعرج لازم تحطين حمام زيت او أي ماسك للشعر يكون عندج لانج راح تحسين ان الشعر يكون ناشف من العسل انا استخدمت ماسك غارنييه للشعر المصبوغ لاني صابغة شعري واللي ما تبي العسل تقدر تستغني عنه ومع السلامة يالغاليات :icon35:
بنت البلد انا:) @bnt_albld_ana
عضوة نشيطة
يلزم عليك تسجيل الدخول أولًا لكتابة تعليق.
مشكووووووره.. :) الله يعطيكِ العااااافيه.. :) والله يتمم لك على خير يااااارب.. :)مشكووووووره.. :) الله يعطيكِ العااااافيه.. :) والله يتمم لك على خير يااااارب.. :)
مشكوره وماقصرتي:)
الصفحة الأخيرة
شعري انتلف من الصبغات وأمس بالصالون حشيييييييييييييييييييييته يعني قصيته بإصرااااااااااار
من كثر ما أنا لايعه جبدي منه وكارهته ،، وقعدت أتأمله جدام المرايه لقيته صار عباره عن ( ذيل عصفور ) بلا أي مبالغه
بسوي خلطتج بس مادري متى ببتدي فيها ويارب يطرى شعري
وبدعيلج بظهر الغيب كل ماحطيتها