السلام عليكم ورحمة الله وبركاته
اخواتي بقلكم على خلطه اغنتني عن كل الخلطات والخرابيط وهي عوضتني عن الحمام المغربي
وتنضف اكثر من الحمام والسبب انها مكوناتها كلها تقشر الجسم
وأنا ماكتبتها ألا لحبي للخير
وأنصح كل عروس تستخدمها لوبشهر قبل زواجها
والخلطة هاذي وحدة لون جسمي بشكل ملحوووظ
خصوصا المناطق الي فيها سواد وكلف
والركب والأكواع
والأحلى من هذا كله انها طبيعية
وغير كذا تستخدم مره اسبوعيا
يعني مافي تعب ونتيجة لايعلا عليها
/
اهي مكونات الخلطة الأساسية كثيرة للأمانة
وأنا نقصت منها وبكتبتلك المكونات الي أخذتها من الخلطة الأساسية + مكونات الخلطة نفسها
مكونات الخلطة الأساسية
/
علبة جلسرين سائل + علبة لوز مر + علبة سمسم + علبة زيت الليمون
+ صابون مغربي + فكس + صابون مبشور
( ويفضل تبشرين صابون البابايا والكركم والصابونه السحريه + سنفره المشمش او سنفرة روسيه + كريم جلسوليد + وليفه
( تنقعينها بشب وملح وليمون وقليل من الماء) وتحطي الخلطه على جسمك لمده عشر او ربع ساعه وبعدها ونفرك باليفه
والمكونات الي اخذتها منها هاذي هي
/
(زيت اللوز )+ (زيت الجلسرين )
علبة صابون مغربي سائل كبيرة +حبتين صابونة الكركم
(صنفرة كاب علبة كبيره + صنفرة المشمش )
وعلبة جلوسليد الي بـ10 ريال )
تخلطي كل المكونات مع بعض ألا صابونة الكركم
تبرشينها وتحطينها على الخطلة وعلى فكرة بعد يومين من خلطها بتلاقي مويه لونها اورنج
ترى مو عفن هادي صابونة الكركم ذابت
ولاتنسوتحفضونها بالثلاجة
الطريقة
/
أول شيء جيبي زبديه كبيره
وحطي فيها ماء حار + الليفه المغربية وملعقة شبه
وملعقة ملح (عشان تكون معقمه وتخرج القشور معاكي بسسهولة)وخليها بالحمام الله يكرمك
ودحين نجي لطريقة أستخدام الخلطة
نستخدم جهاز السونا
و الي ماعندها جهاز السونا تستخدم طريقة من طرق الحمام المغربي بدون جهاز البخار
نكمل تدخلين البخار ألين مايتبخر جسمك لمدة تتراوح بين 10 او5)د*...
وبعدها اخرجي وغسلي جسمك بماء دافيء
وبعد ماتخصلين من غسله نشفيه شوي مو مره
خليه نديان شويه وحطي الخلطة
وأرجعي لجهاز السونا
وخليك فيه ثلث ساعه او ربع ساعه والبعض نص ساعه وكل وحده وتحملها
وخلال هادي الفترة أشغلي نفسك بالأستغفار
وبعدها ادخلي الحمام وغسلي جسمك
وبدون ماتجففية خدي الليفه المغربيه بتلاقيها حاره غسليها شوي ألين ماتحسي انها دفية
وأبدئي بالفرك من اول فركه بتشوفين قشور فضيعه تخرج منك وممكن انك تذهلين
وخلي طريقة فركك من فوق لتحت وركزي على الركب والأكواع بس بنعومه وبعد ماتخلصين الفرك
أغسلي جسمك بماء بارد لغلق المسام
وحمام الهنا
نصيحه هاااامه
لكل وحده تستخدم جهاز السونا
ضروري تشرب قدر كافي من الماء قبل أستعماله باي خلطة من الخلطات موشرط خلطتي
لأن الجهاز يخرج كل السوائل الي بالجسم وممكن تسير حالة وفاة لاقدر الله بسبب نقص الماء
وهاذي هي طريقتي بين أيديكم
وطريقتي للحمام المغربي بإذن الله تعالى بنزلها لكم
لاتنسوني من دعائكم
ان يجمعني الله بخطيبي بالقريب العاجل
وإي سؤال أوأستفسار انا تحت أمركم
نيروز. @nyroz_10
فريق الإدارة والمحتوى
يلزم عليك تسجيل الدخول أولًا لكتابة تعليق.
أم صغيرها
•
حلو بس رتبي الموضوع
الصفحة الأخيرة