اخواتي الخلطة هذه انا مبتكرتها لحاجة وهي اني كنت اتسوق بمعرض نسائي وهو معرض المنتجات الاسرية 0000المهم وحدة كانت تبيع جبن وبصراحه علبة صغيرة وغالية بس شدني الشكل روعه 000 مالكم بالطويله شريت علبة وحدة وحللتها بالنظر لما عرفت مكوناتها و الحمدلله وهذه الطريقة لكم وما ابي منكم الا الدعاء وسويت منه علب وايد ووزعت على اهلي وخوالي وبيت حمولتي والحمدلله الكل انجن عليه 000
المقادير :
طبعا شرائح ليمون ارباع بدون البذور و شرائح زيتون اسود و نعناع مفروم وسط و جزر مبشور وفلفل بارد اخضر و احمر واذا تبين الالوان او تكتفين بالاخضر يعني حسب المتوفر عندك تخلطينهم مع بعض في ماعون
وبعدين تقطعين جبن ابيض سعودي مالح وانا جربت الالماني و الانواع الثانيه لكن افضل نوع هو السعودي مكعبات صغيرة وتخلطينها
والحين تعبين علبة نظيفة بلاستيك او زجاج المتوفر من الخلطة و ترجينها حتى لا يكون هناك فراغات كبيرة حتى تمتلىء تماما ثم تسكبين فوقها زيت الزيتون لما يغطي الوجه كله 0
وبعدين نغلق العلبة وانااضع كيس بلاستيك فوقه بعدين اغلقه بالغطاء
وهذه العلبتين الي سويتهم وشوفي الشكل طبعا لا تؤكل الا باليوم الثاني يعني انا اسويه بالليل ويكون مع فطورنا غدا 0
ملاحظة :
الكمية حسب الرغبة مافي مقادير محددة بس لا يكون النعناع شوي لازم يكون واضح حتى يعطي نكهته بالزيت
واتمنى اني افدتكم وان شاء الله انزل لكم خلطات بالجبن كثيرة ابتكرتها والله اني صرت ما اشتري الخلطات الجاهزة بالجمعيات لا كل شيء انا اسويه بالبيت انظف و احسن والذ وجزاكم الله خير اتمنى منكم دعوة طيبة فقط لاغير 0
والله شكله روعه ولذيذ..