طيب عطينا الخلطة وشلون سويتيها
جزاك الله خير

ابشري من عيوني
تاخذين بصله متوسطه وتقطعيها ارباع وتاخذين 3 فصوص ثوم وتقطعيهم نصين وبعدها تغلينهم بين مويه واطفي النار وبعدها غطي عليهم وخليهم شوي وبعدها خذي 3 ملاعق كبيره سدر واعجنيه بماء البصل والثوم وملعقتين زيت زيتون وزيت خروع واخلطيهم مع بعض وبس

طيب لو سمحتي الترجس
الخلطه كم تجلس مدتها يعني احطها ع شعري مره وحده ولا تجلس اسابيع واحط منها مرات متعدده
الله يجزاك خير ردي لي خبر

حبيبتي تستعمليها مره بالاسبوع او مرتين على حسب طبيعة شعرك
وعادي تسوين الخلطه وتحطينها بشعرك على طول وتخلينها 4 او 5 ساعات واغسليها بأي شامبو وأنا افضل شامبو طبي

انا جربت الخلطه زي ماقالت نرجس والحمد لله فادتني من ناحية الفراغات بس تعبت وانا كل مره اغلي بصل وثوم قلت اجرب السدر لحاله طلع النتيجه عكسية خف شعري وصار يتساقط ومنفوش طلع السر كله في الاضافات الثانيه
انتي استخدميها يوم ورى يوم وراح تلاحظين من اسبوعين التساقط والفراغات تقل
انا حاليا استخدم الحنه واغسل شعري بالسدر وحسيت اني مرتاحه عليها الحمدلله