خلطة الظاهر بعد مشيئة الله كانت سبب حملي

السلام عليكم و الرحمة


بنات .. أنا ترددت كثيييييييييييييير قبل أكتب هالموضوع ..

و عشان أبري ذمتي لازم أعطيكم قصة حياتي بالاول ...

أنا الحمد لله اول ما تزوجت حملت و ربي تمم على خير .. بعدها قعدت ثلاث سنين تقريبا ما حملت بس كنت اول سنه و غالب السنه الثانيه استخدم موانع ( مش حبوب ) بس كنت مهمله كثير و الظاهر بالسنه الثالثه كنت ما استخدم موانع خير شر بس الله ما كتب لي حمال الا بعد ثلاث سنين و ما أكتمل الحمد لله على كل حال .. و بعدها بست شهور و لله الحمد حملت ثالثه و الله تمم على خير ..

و بعد ولادتي لبنتي طلع عندي مشاكل هرمونات و غيره .. فما كنت استخدم اي نوع موانع لمدة سنه كم شهر.. لين رمضان اكتمل علاجي و قالي الدكتور خلص كله اوكي ... و بنفس الوقت كنت ماخذه خلطه من وحده بالمنتدى ... اهي كانت كاتبه إنه لعلاج السدد و فيه وحده استخدمته و حملت .. طبعا انا ما همني هالكلام ما كنت افكر احمل ... الي خلاني اخذ الخلطه إنها تنظف من الرطوبه الزايده ..

ووقت ما أستخدمتها ما لاحظت الكلام الي قالت عنه من نزول دم فاسد و يمكن لاني ما اعاني من هالمشكله اصلا ولا شفت ذاك التحسن في سالفة الرطوبه .. بس الدوره زادت يومين عن وقتها المعتاد .. طبعا ما فكرت بعدها اخذ مانع حمل لاني ما توقعت احمل من الاساس

و سبحان الله أنتهت الدوره تقريبا في أول العشر الاواخر من رمضان ... و بعدها بثلاث اسابيع و شوي اكتشفت إني حامل ... يعني الي استغربت منه إن الحمل تم بعد الدوره على طول الظاهر ... و هذا الي خلاني أشك إنه من خلطة الأعشاب مش من إعتدال الهرمونات ...


الخلطه يا بنات أخذتها من تاجره أسمها الظاهر شمس و قمر .. سامحوني مش ذاكره الاسم .. بس اخذتها عن طريق مندوبتها إمارات المحبة ..

وترا جد كنت متردده في طرح الموضوع بس الي خلاني اكتبه إني فكرت لو كنت مكان وحده ما حملت أكيد بيكون ودي اجرب .. و ترا كله بيد رب العالمين اخاف اعشمكم و ما يفيد .. الله المستعان...

بنات أنا ما كتبت الموضوع إلا بحسن نية يا ليت تدعون لي ربي يثبت حملي و يسهله و يتمه على خير و يرزقني الذريه الصالحه المصلحه .. لاني يا بنات لي اسبوعين بس اخذ مثبتات لان كان عندي تهديد أسقط ..


سبحان الله والحمد لله و لاحول ولا قوة إلا بالله و الله أكبر