خلطة العامرية وقصت ولادتي أمس..قولوا ما شاء الله

السلام عليكم حبايبي وخواتي بنات حواء
أمس تاريخ 30-9-2009 كان يوم ولادتي باحلى قمر بنوتي ربي يحفظها
الموهيم انا كنت اعاني من سقوط السدادة قبلها بيومين والرحم صار فاتح 3 س اربع ايام والدكتورة اتقولي اليوم راح تولدين وما اولد
الموهيم يوم الاربع وصلت بنتي الروضة وقلت بدل لا ارجع عالبيت خلني اروح امشي عالبحيرة اللي عدنا --طبعا بالامارات انا--اخذ لي لفة مدة ساعة عليها وبما ان الوقت صباح قلت اكيد ماراح يكون حد اهناك.
ورحت امشي وامشي وحسيت بنشاط وخفة مع ان الشمس كانت حارة وضاربتني براسي حتى اني كنت عطشانة وما ماخذة وياي لا موية ولا فلوس اشتري لي ماي والبحيرة تبعد عن بيتي بس 5 دقايق..
الموهيم رجعت البيت وخذيت دش حار ومليت البانيوم ماي حاروطلعت وقعدت اقرا قران سورة يس وسورة مريم وكملت وبعض الايات هالكلام كان من الساعه 8 الصبح لغاية 11 ونص
وبعدين حسيت بالم خفيف قلت خلني اروح اسوي خلطت العامرية اللي هي حليب ويا زيت السمسم والعسل والقرفة والكمون وسخنتها وشربتها
ما شاء الله لا اله الا الله قام اييني الويع منتظم لغاية الساعة 2 ونص والويع خفيف ومنتظم ومن يجيني اخذ نفس خفيف وامشي واتصلت على زوجي الا يقولي انا راح اتاخر في الدوام لغاية الساعه اربع وما قلت له اني راح اولد سكرت عنه ودقيت على اختي مرت علي ووصلتني عالمستشفى ما شاء الله لا اله الا الله اول ما وصلت كان فاتح لغاية 6 س ونا ولله ىالحمد هادية والوضع كان عال العالوبفضل من الله ساعة بالتمام والكمال الا وانا والدة كل ربع ساعة يتبطل عندي حتى الدكتورة قامت تتمدح فيني الحمد لله..
وهاي قصتي المختصرة واسمحولي لاني تعبانة بس ما حبيت اني ما افيدكم انكم تتوكلون على الله وتحسنون الظن وان شاء الله ربنا ايسر عليكم نفس ما يسر علي وتراني دعيت لكمل وحدة وصتني
والسلام عليكم