خلطة الكثيرة لتكثير الشعر ......

العناية بالشعر

السلام عليكم
انا لما قعدت أشوفكم تكتبون خلطاتكم ونصائحكم لبعض حبيت أفيدكم بخلطه أستخدمها مثل ما أستفدت من اللي تكتبونه
الخلطه الغاليات عباره عن
كثيره ( تنباع عند العطارين وهي لونها أبيض مصفر ميزتها تذوب بالماء وتخليه غليظ ) المهم حطي 4 - 6 قطع كثيره مع الماء في حدود نصف لتر يعني غرشة ماء صغيره وتركيه لمدة ليله
في اليوم الثاني بتلاحظين أن الماء صار ثقيل ( على فكره العطارين يبيعونه جاهز والأحسن أنت تسوينه أوفر لك )

مقادير الخلطه
خلطة الكثيره + خلطة زيوت منوعه بتلاقينها بعد عند العطارين + حمام زيت

خلطي المقادير مع بعض وحطيها على شعرك ولبسي الكاب البلاستيك وتركيه لمدة ساعه ثم غسلي شعرك

الكثيره مفيده للشعر ومن أسمها تكثر الشعر وإذا كنت تحبين اللون القرمزي ممكن تضيفين مع الكثيره شوية دم الغزال وقطعه صغيره قرمز بعد عند العطار موجودين بس إذا كان شعرك مصبوغ بيغير لونه لللون القرمزي

أنا استعملته وكنت مصبغه شعري وتحول للقرمزي بس لونه صار حلو

وبعد للي تحب الأعشاب ترى العطارين يسوون خلطه للأعشاب مطحونه مثل بابونج + ورد + حلبه + مسمار + ........

ممكن تضيفين ملعقتين للخلطه

اتمنى تجربونها وتدعون لي أنا أسويها في الأسبوع مرتين

م : خلطة الزيوت إذا ما لقيتي جاهزه اشتري أنواع مختلفه من الزيوت وخلطيها مع بعض مثل خروع + لوز + الحيه + جوزالهند + زيتون +........
11
17K

يلزم عليك تسجيل الدخول أولًا لكتابة تعليق.

تسجيل دخول

أم شملان وشما
أم شملان وشما
الغاليات حبيت أوضح أكثر للي حابه تحط القرمز ودم الغزال مع الكثيره
لما بتسوين الخلطه حطي 4-6 حبات كثيره مع غرشه صغيره ماء ( طبعا فيها ماء ) بعدين حطي شوية دم الغزال يعني ربع ملعقة شاي وقطعه صغيره قرمز قد الظفر وتركيه ليله ثم استخدميه في اليوم الثاني
ولا تنسون ترى يغير لون الشعر المصبوغ للون القرمزي
أم شملان وشما
أم شملان وشما
على فكره بنات ترى الخلطه في ناس وايد يبيعونها وبأسعار خياليه تروحين الصالون تسوي لك الخلطه وتدفعك 150 درهم وتقول لك خلطه سريه للكثيره وأنها شاريه الوصفه بالمبلغ الفلاني صدقيني أختي وبنت عمي يسوون الخلطه ويروحون الصالون عشان تحط لهم راعية الصالون تتخبل تبي تشتري منهم
اليمامه 22
اليمامه 22
هلا اختي ام شملان وشما ............
حبيت اوضح لك فقط توضيح ان فيه ناس استخدمو الكثيرة وسببت تساقط لهم لدرجه فضيعه

والكثيرة الطريقه انك تستمرين عليها طوووووووووول عمرك وماتتركينها

ووحبيت اوضح بعد

=========== ودها تتفلسف

بس والله الى اقوله عن تجربها شايف البنت شعرها طايح قلت لها وش في كشتك طاحت

قالت الكثيرة استخدمتهااااااااااا والكثيره مفعوله انك اذا استخدمتيها تطيح الشعر بعدين تنبته من جديد اكثر واكثر ..................

بس حبيت اخبرك بما في جعبتي

ولاتزعلين عزيزتي ام شملان وشما .............................
أم شملان وشما
أم شملان وشما
مشكوره الغاليه على التوضيح بس أنا استخدمها من شهر وأختي من 6 شهور ما صرنا قرعه بعدنا غاليتي يمكن صديقتك استخدمتها بكثره ويومياً وعلى فكره الصالونات صارت تستخدمها وتبالغ بأسعارها ولو مثل ما قلت جان سكرت الصالونات

مره ثانيه مشكوره على وجهة نظرك
داعيه للخير
داعيه للخير
مشكورةام شملان وشما