خلطة انتعاش الليمون لجسم لامع وبراق

السلام عليكم ورحمة الله وبركاته
كيفك يا حلووووووين إن شاء الله بخير
اليوم راح اكتب لكم طريقة خلطة عملتها وكانت نتائجها روعة أنا وأخواتي سميناها انتعاش الليمون
ماراح اطول عليكم بس عن جد الوصفة كثير حلوة وتعطي لمعة للجسم وريحة فرش وبالاستمرار راح تفتح لونك شوي شوي
مين فيكم جربت خلطة توليب للوشن البرتقال والليمون أنا جربتها وكانت أكثر من روعة بس اضفت عليها كذا نقاط من زيوت عشان تكون مفيدة على أكمل وجه والحمد لله كثير ناسبتني والزيوت هي نقاط من زيت جنين القمح ونقاط من زيت اللوز اللحو ونقاط من زيت البابونج اذا كانت متوفر كثير روعة والحلو انها ناسبت حتى اختي الي بشرتها جافة لأن في الاول ما نسبتها الخلطة بدون اضافات وقالت انها جففت لها بشرتها بس أنا ما لاحظت هذا الشيء لان بشرتي دهنية ..
نجي للمفيد والخلطة الي ابغى اقولكم عليها وهي أني جلست اطالع في قشور البرتقال والليمون بعد غليها وقلت ليش ارميها راح استفيد منها اخذت القشور وهي طرية جدا بعد ما غليتها واخذت الماء عشان اللوشن واضفت عليها كاسة شاي ماء ورد وكاستين شاي ماء معقم ( ماء صحة ) عشان تظل اطول فترة ما تخرب و اضفت عليها تقريبا نص كاسة الشاي بودرة بيبي جونسن و اضفت مقدار غطاء من زيت اللوز الحلو ومقدار غطاء من زيت جنين القمح وتحطيهم في الخلاط وتخليطهم كويس وبعد كده تكوني محضرة مرطبانين نظيفة واحد صغير والثاني كبير وبقولكم ليه الصغير راح تحطي فيه كمية بسيطة وتغلقية باحكام وتحطيه بالثلاجة والكمية المتبقية في الخلاط اضيفيها عليها نقاط من دهن الورد الطائفي او اي دهن تحبيه يعني عودة عنبر مسك اي دهن بس اهم شيء دهن مو كحول وتحطيه بالثلاجة برضة بكده انتهت اللخطة ,,
طريقة استعمالها كالتالي :
بعد الاستحمام وتنظيف الجسم خذي مقدار مناسب من البرطمان الكبير وادهني على جسمك وخليه ربع ساعة تقدري فيها تفرشي اسنانك او تصنفري اقدامك وبعد كده تزيلي الخلطة عن جسمك بالماء بس وشوفي ليه سميناها انا واخواتي انتعاش الليمون وراح تلاحظي ان شقتك كلها تعطرت بالدهن الي حطيتيه بالخلطة .. راح تلاحظي نعومة وانتعاش مو طبيعي ..
وبالنسبة للمرطبان الصغير الي ما اضفتي عليه اي دهن او رائحة تحطي منه على وجهك كثير حلو
وبس توتا توتا خلصت الحدوته اتمنى تفيدكم الخلطة ......
ملاحظات مهمة :
استخدمي مياة معقمة لا تمسكي الخليط بايدك ابدا بل بملعقة احتفظي به طول الوقت في الثلاجة واذا حبيتي تستخدميه حطي في طبق صغير والخلطة رجعيها الثلاجة على طول عشان تفضل طازجة
وسلامتكم اي استفسار انا جاهزة يا حلوين اتمنى تفيدكم الخلطة زي ما فادتني