مرحبا بنات
اليوم عندي خلطة بسيطة وسهلة ومكوناتها جاهزة
ملح الحليب اليوكو سبا مبيض ومنعم للبشرة احب اخلطة مع الخلطات ماستخدمة لحالة لآنه يحسس بشرتي وريحتة شوي ماتعجبني بس فائدة مرة كويسة عشان كذا فكرت اخلطة مع الخلطات عشان استفيد منه
وهالمرة خلطتة مع مقشر ومبيض كريم كاب بكميات متساوية (لو ماعندكم كريم كاب ممكن اي نوع ثاني بس أنا افضل هالمقشر)
ممكن لو فاضيين ومروقين تسوونه قبل البخار يعني ترشون الجسم بالموية وبعدين تفردونة على الجسم وتفركون شوي وتخلونة لين ينشف وبعدين افركوا من جديد واشطفوا وحطوا الصابون المغربي وادخلوا في البخار وبعدين كملو الحمام المغربي كالعادة
ولو مالكم خلق ممكن نستغني عن البخار والحمام المغربي بس تسوون قبل الشور
وممكن بعدة ماسك للجسم بالسدر ومعه ليمون او الطين المغربي مخلوط مع ماء ورد وبعدين نشطفة ونغسل الجسم بصابون الطاووس او اي رغوة استحمام
وماننسى الترطيب وأنا احب كريم جونسون بزبدة الشيا مرة روعه ترطيبة وتمتصة البشرة بسرعة
