كيف حال بنات المنتدى وحشتوووني
جبت لكم خلطة فنتاستك >> مدري صح ؟
لكن يا خسارة المتزوجة ما رح تقدر تسويها إلا إذا كان مسافر لأن فيها ثوم
يعني ريحه نفاثة ولو عندك مناسبة بعد إسبوع لاتعملي هالخلطة ممكن بعد إسبوعين
لكن والله النتيجة تجنن منجد ما أحد يتوقعها ترى أنا أخذت هالخلطة من المنتدى
تقريبا من سنة وجزاها الله عنا خيرالأخت اللي نزلتها ولو إني مش فاكره اسمها ،
وفيه بعض الاختلاف بسيط بين طريقتي وطريقتها ومن يوم ما جربتها طول شعري
بشكل ملحوووووظ كل اللي يشوفي يسألي ايش عاملتله وخصوصا يوم صبغته
أشقر بندقي طلع بيييييييعئئئد وأمي ما تخليني أطلع إلا لما أقرا عليه أدري طولت
عليكم يالله نبدأ :
المقادير : ثوم مدقوق جدا و طازج يعني مش مجمد أو اللي يجي جاهز
مجموعة من الزيوت الآيته ، أقل شي ثلاث أنواع : (زيت زيتون ، صبار ، الخروع ،
جوز الهند ، الجرجير ، اللوز أو السمسم ) تخلطيهم بكميات متساوية ، وعشان أريحكم
تجي هذه السبعة الزيوت فيه علبة واحدة من صانسليك وبـ12 ريال بس تلاقيها في
السوبر ماركت الكبيرة أو الصيدلية بدل ما تكلفي على نفسك وتجيبي علبة من كل نوع.
والمقادير أربع فصوص ثوم كبيرة لكل كاسة شاي لو نص كاسة شاي يصير فصين ثوم
تمام وأنتي قدري شعرك كم يحتاج زيت .
الطريقة : بعد دق الثوم سخني الزيت شوووووويه على النار يعني تدخلي إصبعك
ولاتنحرقي وتشيليه من النار وبعدين تحطي الثوم وتحركيه وتتركيه إلين يبرد
وبعدين تحطيه على شعرك وخصوصا عالجذور مع تدليك فروة الراس وحطي
باقي الزيت على كل الشعر وحتى الثوم لاترميه ، وأخيرا غطي شعرك مزبوط
بغطا الشعرأو حتى نايلون واتركيه 8 ساعات يعني نامي فيه لااااازم 8 ساعات
لما تجي تغسليه كثري الشامبو ونظفيه مزبوط وبعد ما تنشفيه بخريه ولو إني ما أحب
البخور لكن لضرورة أحكام لانه يخفف من ريحة الثوم ، واعمليها كل إسبوعين نفس اليوم
يعني الثلاثا أو الأحد يوم معين ولـ6 مرات فقط ، باقي لي مره :06:
وعلى فكرة أتذكر إن الأخت قالت في المره الأولى رح يتساقط الشعر أكثر من اللازم
لأن بصيلات الشعر الضعيفة ما تتحمل وتسقط يعني ما تخافوا وأنا لما جربتها ماصار
هالشي مع إن شعري خفيف .
وأتذكروا يا بنات انتي مش بس تطولي شعرك لاااا وكمان بتغذية بسبب وجود الزيوت
ورح تلاحظوا الفرق من أول مره
ايش تبغوا أحسن من كذا يالله ألقاكم على خير والسلام عليكم
