مشكورة اختي بس شلون اربطه

لها ريحه ولا اقصد بذور القطونا

اختي كول جيرل..

تربطينه عادي او تلفينه بالطريقة اللي تريحج.. و لضمان نعومة اكثر ممكن تربطين عليه ربطة بعد او تلبسين طاقية.. هالشيء يخلي الشعر يصير سااااايح على الاخر.. خاصة من قدام..

ممكن تقسمين شعرج و تلفينه بعد...

في النهاية القرار لج..

انا عادة اقسم شعري خصل و ابدا امسح مسحات خفيفة و ابدي بالخصل من ورا لحد ما اوصل قدام.. عقب امشطه و اربطه على ورا كله.. و البس الطاقية اللي تلنبس تحت الشيلة او حتى شيله و اظل لابستها من بعد ما اغسل شعري لمدة اربع الى خمس ساعات خلال النهار .. و افك شعري قبل ما يرجع زوجي من الدوام...

و لو كنتي متزوجة انصحج تحطين الخلطة من اول الصباح لمدة اربع ساعات و تغسلين شعرج و تربطينه لحد قبل ما يرجع ريلج و فكي شعرج و ابهريه :)

بالنسبة للريحة.. تطمنوا بنات ترى ما لها اي ريحة بالمرة..

و مثل ما قلت لكم طبعا نعومة الشعر يبي لها عناية.. اهتموا بالشامبو و حمامات الزيت و الماسكات المغذية اللي قبل الحمام...

انا صار لي من وقفت عن التمليس و بديت بكل هالخلطات تقريبا شهرين داخلة على الثالث.. و الحمدلله النتيجة جدا مرضية و روعة .. حتى زوجي صار يحب شعري اكثر مني خخخ

و عموما النتايج تبين من اول استخدام.. لكن بالاستمرار تتغير طبيعة شعرج.. عشان جذيه قلت اطمح انه مع الاستمرار ينفرد شعري تماما..

اي سؤال ثاني انا حاضرة بنات..

مشكورة اختي بس هل تنفع بذور القطونا للشعر الأفريقي؟

موفقهـ ان شآء الله ..~
ولآتنسين تخبرينآآ بآلنتآإآيج ,,,:35: