خلطة حناء للي شعرهم جاف " مجربة "

هلا
البنات اللي شعرهم جاف اكيد يعانون منه كثير وخصوصا لما نحط عليه حناء بصراحة انا ما احب صبغات الشعر لكن كان ودي اغير لون شعري فكنت دائما احط عليه حناء وكنت لما اشيل الحناء يطيح شعري من الجفاف
الخلطة هذي جمعتها من خلال بعض المواضيع الموجودة بالمنتدى ولما جربتها لاحظت انه شعري طلع انعم من قبل وما طاح شعري مثل اول فصدقوني كنت بطير من الفرحة وعشان كذا قلت اكتبها يمكن تحبوا تجربونها

مقادير الخلطة :
حناء " على حسب طول الشعر "
ملعقة طعام كبيرة روب "زبادي"
ملعقتين زيت جوز الهند
قشرة موزة مجففة ومطحونة
ماء
كركديه


الطريقة :
تخلط جميع المقادير في وعاء مناسب ثم تترك تتخمر , الافضل انك تخلطيها الظهر وتحني شعرك بالليل " على راحتكم بس انا جربتها كذيه وخليتها بشعري طول الليل ".
ومثل ما قلت لكم النتيجة كانت مذهلة خصوصا انه شعري جااف . اتمنى انكم تستفيدوا من هالخلطة واتمنى بعد انكم ما تطنشوني لاني سبق ونزلت موضوع وماحد عبرني .