السلام عليكم ورحمة الله وبركاتة
هذي الخلطة الصابونية إلي كلمتكم اختي nathaleel عنها
وكنت منزلة عنها موضوع في موقع عماني الشهر الماضي
مكوناتها سهلة وطريقتها اسهل بس ركزو شوي
واذا نقص عندكم شي ما قدرتو تجيبوه عادي
المنطقة الحساسة صارت افتح بكثير من اول
لأني يوميا استخدمها بدل الشور جل او اي صابون ثاني
صرت ما استغني عنها
1- دائما خلي علبة ملح في الحمام عشان التقشير :: يفضل ملح متسوط الخشونة
2- اذا عندك بخار في البيت سوي الخلطة مثل الحمام المغربي
3- الترطيب مهم للجسم عشان تظهر نتائج التفتيح - شخصيا احب البيبي اويل من جونسن تحطية وجسمك لسه مبلول ، وبعد ما تنشفي جسمك حطي بودي لوشن
4- إلي تعاني من النقط والشعر تحت الجلد هالخلطة بتنفعها كثير ، بس لازم تستخدم الجحر الاسود وتفرك بحركة دائرية كامل الرجل وشوفي اذا ما راح في 4 ايام
حتى الركب افركها بالحجر
5- اما اقدامكم اذا حابين تكون ناعمة وحلوه ، مافي غير الجوسليد والليمون تخلطية وتحطي منه بلليل ولبسي كيس بلاستك على رجلك وعليه جرابات والصبح افريكيها بملح وحجر عشان تشيلي الجلد الميت
"مرة في الاسبوع" ويوميا ادهني منها ولبسي جربات عادي
طريقة استخدامها لناس المستعجله ع النتايج
تدهن على الجسم مدة نص ساعه او اكثر مثل ما تحبو، ادهنوها وانتو بالغرفه لانه الخلطة بيكون شكلها كريمي وتتشربها البشرة في دقائق ولا توسخ الملابس
الحين بلي جسمك بالماي شوي وبعدها جيبي الملح في ايدك وابدي افركي المناطق الحساسة بحركة دائرية لمدة 5 دقائق، بعد ما تخلصي المناطق الحساسة ابدي بالركب والكوع وبعدها كملي على جسمك كامل
الحين خلصتي من التقشير وغسلتي جسمك كامل،،ردي حطي شوي ملح مع ليمون ع المنطقة الحساسة وافركي فرك خفيف وخلي الملح ع المنطقة مدة دقائق وبعدين اغسلية
ونفس الطريقة للركب والاكواع ملح وليمون
ممكن تستخدميها مرتين في اليوم اذا حابه ، لانه مكوناتها طبيعية
" الخلطة الصابونية"
جبتها من عالم حواء من سنة تقريبا الله يذكر صاحبتها بالخير
فوائدها
توحد لون الجسم - تنعم - تشيل البقع - تعطي لمعه حلوه للبشرة- تخفف المسامات بشكل كبير- ما راح تشوفي شعر تحت الجلد ابدا ولا نقط سودا ، بتشوفي بشرتك صافيه وتلمع
لون الركب بيصير افتح والمناطق الـحساسة
بسم الله
المكونات""
صابون الغار 1
صابون الطاوس 1
صابون الكركم 1
حجر سفيد آب 5 قطع - هذا صابون إيراني يفتح البشرة وينضفها بشكل رهيب، شكلة مدور مثل الجبنه لونه ابيض ويتفتت بسرعه
صابونة الجمال 1
صابون مغربي علبة 1
صابون جلسرين 1 - أو جلسرين سائل شفاف بتحصلوه في الصيدليات .. لون الزجاجه احمر ..انتي اختاري إلي يناسب بشرتك ..جافه او دهنية
صابون الببايا 3in 1 - في نوع ثاني 4in1
علبتين ماء ورد كبار اصلي
كركم الجسم مطحون ... ممكن تستغني عنه
نصف كوب زيت اللوز المر - ينعم ويشيل البقع السودا
نصف كوب زيت السمسم - للجسم
نصف كوب او اقل زيت زيتون اصلي
معلقتين نشاء تذوب في شوي ماي - يفتح لون البشرة ، ويثقل الخلطة بنفس الوقت
ملعقة كبيرة ملح خشن
الطريقة ""
نبشر كل الصابون بشر ناعم
بعدين تخلطين الصابون المبشور والكركم المطحون والصابون المغربي مع ماء الورد ..علبتين إلا ربع يكفي
وتخليه يومين او يوم
الحين تجيبي قدر كبير وتحطي الخليط على نار هادية جدا
وتحركي لحد مايذوب كل الصابون
بعدها حطي(ملعقتين النشاء المذوب في الماء ) والملح وحركي زين وخليه شوي على النار
بعدين طفي النار وخليه 5 دقائق
الحين عاد حطي الزيوت والجلسرين وحركي زين
بيصير غليض ولونه بيج - حطي الخلطة في علبة كبيرة
وبكذا خلصتي
جدا مفيدة هالخلطة
الخلطة منقوله من منتدى اخر للفائدة
يلزم عليك تسجيل الدخول أولًا لكتابة تعليق.
لينا المحمد
•
الله يعطيك العافيه بس الرائحة وشلون تكون
الصفحة الأخيرة