السلام عليكم
سبق ونزلت وصفة وقلت لكم انها نزلت وزني بشكل مو طبيعي مع الرجيم ولازلت استخدمها والحمد لله كل اسبوع اشوف وزن جديد والفضل لرب العالمين ثم للخلطة الرائعه
وهالمره نزلتها بالصور بطلب من بعض البنات
طبعا هي من اختراعي
راح اقول لكم عنها شوي
طبعا مقاديرها 1 لبتنه من شاي الضيافة شاي الرشاقة + شاي اخضر بو شيبة او اي نوع بس انا ارتاح للنوع هذا
تغلين ماي مقدار كوب وتحطين هذيلا الثنتين وتتركينها ربع ساعه او 10 دقايق وبعدين غمضي واشربيها
طبعا انصح كل اللي يستخدمها يراقبون الوزن حقهم وانصح بالميزان الالكتروني
ونسيت اقول لكم انها تنظف البطن ومع الاستمرار راح تلاحظين ان الكرش خف بكثير عن اول والملابس تصير واسعه عليك والوزن في نزول مستمر
وبالنسبة للاستخدام مرتين بالصباح بعد دخول دورة المياه وبالمساء قبل النوم لان لما نجلس اصباح راح تحسو بشوية مغص من الخلطة لانها تنظف البطن
اي سؤال انا بالخدمة