خلطة رهيبــــــة، تبيض، وتشد وتصفي الوجه (عن تجربة)..!

هلا وغلا بالجميع،

انا شخصيا استخدمت هالخلطة لمدة شهر قبل عرسي والنتيجة كانت راااائعة..! وطبعا قلت لازم افيد خواتي آنسات وسيدات عالم حواء..

مكونات الخلطة اظنها متوفرة ف كل بيت :

ملعقة صغيرة طحين الحمص،
ربع ملعقة صغيرة كركم ( خاص بالبشرة وليس الطعام)،
ملعقة صغيرة زيت زيتون
ملعقة صغيرة حليب سائل (انا استخدم حليب المراعي طويل الأمد ينعش الوجه وهو بارد طالع من الثلاجة)..

نخلط المقادير في ماعون صغير ولو حسيتي ان العجينة يابسة ضيفي لها شوية حليب لين تصير نفس المعجون. مدي الخلطة عالوجه وخليها نص ساعة او لين تنشف واغسليها وشوفي النتيجة، انا استخدمها 3 مرات اسبوعيا بالليل قبل النوم او ف وقت فراغي بعد الظهر. جربو وادعو لي بالذرية الصالحة جعل ربي يسعدكم.