وكتبت تجربتي بالمنتدى - تجدينها هنا -
المهم إني ماحب أعوّد نفسي وشعري على شي مُعين
أحب أغيّر كل فتره وسويت هالخلطه , طبعاً بعد البحث في كل مُكوّن إستخدمته فيها توكلت على الله وسويت الخلطه وإستخدمتها وصار لي الآن شهر والله العظيم إني كل يوم أفك شعري وأشوفه ماني مصدقه يابنات .. قولوا مشالله
وأنا قلت مابي أحطها إلاّ لما أشوف نتيجتها .. وعلى فكره أنا ماخليتها ومداومه عليها
وماراح أخليها الآن ..
الخلطه :
زيت زيتون - علبه متوسطه
وهذا مايحتاج صوره , الكل يعرفه .. والأفضل جيبي مقري عليه ..
زيت دابر أملا وهذي صورة إللي إستخدمته وجبته من الصيدليه ::
زيت هيماتاج - زيت هندي- وجبته من عند العطار وهذي صورته بالضبط ::
وأخيراً ملعقه كبيره سدر مطحون .
الطريقه ::
تخلطين الثلاث زيوت مع السدر وتحفظينهم بعلبه وترجينها زين زين وخليها يومين ثلاثه
ولما تجين تستعملينها رجي العلبه اول إخذي اللي تحتاجين منها وسخنيه شوي لما يصير دافي
وإدهني شعرك فيه وركزي على الجذور , بعدها لفي شعرك بالنايلون حق الأكل وإلبسي كاب صوف أو لفي شعرك بفوطه ..
وخليه مدة من 4 إلى 6 ساعات أو نامي فيه ..
أول شي إستخدميه يومين ورا بعض بعدها كل يومين مره
بعدها بالإسبوع مرتين أو ثلاث مرات .. تكونين خلصتي شهر
بعدها كل إسبوع مره ولو تخلينه يطوّل على شعرك أفضل ..
ولما تجين تغسلينه إستعملي شامبو خفيف مثل جونسون او نونو
ولما شعرك يجف إستعملي كريم صانسيلك بالصبار او كريم مكسام وركزي على الأطراف .
إستعملي فيتامينات الزنك او فيتامينات زيت السمك ..
ممكن تشطفين شعرك بالسدر بكل مره تغسلين شعرك مثل ماذكرت في تجربتي الأولى
بالموضوع فوق بس أنا مو دايماً أسويها مع خلطتي هذي والخيار لك أنتي ..
الحقوق محفوظه لـ أم ماسه
بنات دعواتكم يابنات:)
وماقصرتي الله يجعله في موازين حسناتك :)