خلطة شسالفة الرهيبة

ليش
إش سالفة الخلطة ؟؟

منقووووول

المقادير
صابونة غار مبشورة ناعمة جدا تنقعينها بكاس ماي ورد طول الليل
عشان تذوب

علبة جلسرين السائل الشفاف من العطار
علبتين جليسوليد الاحمر كبار
فنجان قهوة زيت زيتون
فنجان قهوة زيت لوز
فنجان قهوة زيت خروع
ملعقتين كبار كركم من العطار لاتستخدمون مال الاكل لانه صبغته قوية
علبة فكس صغيرة


تخلطين كل المقادير خلط جيد او بالخلاط لين تمتزج مع بعضها وحطيها بعلبة واستخدميها يوميا لمدة ساعتين للجسم والوجه
وانا حتى استخدمها للمنطقه الحساسة والابط
وشفت بياض موطبيعي ونعومة وكل الاثار اللي بجسمي اختفت

انا ادهنها على جسمي ولما اجي اغسلها افرك بالليفة اللي من بدي شوب اللي على شكل قفاز احسن من الليفة المغربية
واسوي سنفرة الملح الخشن مع عصير الليمون
يعني اخلط كمية ملح خشن مع عصير ليمون واتفرك فيه




تدرون ليش الخلطة ماحطينا فيها عصير ليمون؟؟ لانه يخيس يعني اذا تبين تضيفين عصر ليمون للخلطة اللي قلتها ممكن بس لازم تستعملينها قبل لاتخيس
انا مااضيف عصير ليمون لكني استعمله بالسنفرة مع الملح عرفتوا؟؟


وانا على فكرة اسوي حمام مغربي كل اسبوع عشان ازيل الخلايا الميته واجدد البشرة وحتى اللي تسويلي الحمام المغربي سألتني شمسوية جسمج مختفية منه اثار الحبوب وصايرة بيضة تلقين بس ماقلتلها الطريقة لانه الصالونات مايعلمون هم شيحطون للزباين خخخخخخخ نحيسة


بس لاتسألوني عن الخطوط واثار الحمل لاني لامتزوجة ولافيني خطوط فما ادري اذا هالخلطة توخرهم ولا لأ
لكن اذا تبين بياض ونعومة جربي هالخلطة ممتازة خصوصا للعرايس واللي عندهم مناسبات

اختي الف الف الف مبروك وادعيلي انا كمان في صلاتك :) دي الخلطه حقتها

بنات الموضوع منقول للأمانه ... بس انا جربت ها الوصفة صرت بييييييييييييييييييييييييييييي ييييييييضة .. الله يفرج همومها يا بنات جسمي صار قطعة بيضة متناسق .. ووو اتركم مع الموضوع إللي ساعدني كثير
ــــــــــــــــــــــــــــــ ــــــــــــــــــــــــــــــ ــــــــــــــــــــــ

بسم الله الرحمن الرحيم

السلام عليكم ورحمة الله وبركاته ...............

عزيزاتي مختصر الكلام انا جربت وصفه لتبييض الجسم اخذتها من احد الاخوات في احد المنتديات بصراحه انبهرت بالنتيجه الاكثرمن روعه واستعملتها 3 اسابيع بانتظام يوميا
ومومصدقة عيوني شنو هالبياض والنعومة والاثار اللي اختفت بعد ماكان جسمي وبشرتي حفريات وهضاب وجبال وتلال من الحبوب والحفر والاثار
والسواد اللي بالركبة والكوع اختفى نهائياااااااااا
مو خف لا اختفى تعرفون شنو يعني اختفى؟؟
يعني تلاشى الى غير رجعه

وبادعو الجميع يجربها على ضمانتي لاني سويتها والان الكل يسألني عن سر بياضي

ولقيت نتيجه مبهره جداااااااااااااااااااا
وهذي مقادير وطريقة الخلطه

المقادير :
1- صابون الغار
2-ماءورد
3- علبتين جلوسليد الاحمر حجم صغير
4- علبة جليسرين السائل
5- فنجال قهوه من ( زيت الزيتون + زيت الخروع + زيت اللوز المر )
6- ملعقتين كبيره كركم للجسم مو للطبخ (وهذا بتلقونه عند العطار قولو كركم للجسم وهو بيعرف وش تبون )
7- علبة فكس صغيره واليكم الطريقه :

تبشرون الصابونه برش ناعم وبعدين تحطونها في كاس ماء ورد من الليل الى الصبح عشان يذوووووب الصابون في المويه وبعدين اذا اصبحتو تضيفون الجلوسليد والجليسرين السائل والزيوت وملعقتين كركم وعلبة الفكس الصغيره واخلطو المقادير جميعها في خلاط كهربائي عشان تختلط زين بعدين تحفظونها في علبه زجاج عشان تبقى نظيفه وتستخدمونها اطول فتره ممكنه وبعد كذا تحطونها على جميع مناطق الجسم (يعني الجسم كله حتى الوجه ) وتخلونها ساعتين وبعد كذا تجيبون ليفة الجسم اللي من بودي شووووووووب صايره على شكل قفازات احسن من الليفه المغربيه وتحطون عليها ملح خشن وتعصرون ليمون فوق الملح ويالله تبدأون بفرك الجسم فرك جيد والله يطلع لكم كل شي وتحسون بالنظااافه من اول استخدام وبعد كذا يبدأ التفتيح يوم ورى يوم وطبعا هذي الخلطه بشكل يومي واكيد اللي بيتزوجون مهتمين اكثر شي بصراحه انا انهبلت وشايفه حالي كثير وخصوصا على زميلاتي اللي يقولون اني اخلط كريمات وحركات خل سخريتهم تنفعهم ( شديده ) .:
ورب البيت يابنات حتى الاماكن الحساسه راحت جنان مادري وش اقول لكم بس اللي انا متاكده منه بكل ثقه احم احم احم ( اني باكووووووون اجمل عروووووووس عام 2006 ) ترى حتى سمار الركبه والاكواع والاماكن الحساسه ماقول لكم تحسن اللون لا اقول اللون صار قشطه بياض وروعه وبشره موحدة اللون شي والله شي
وترى بياض للابد بدون رجعه للسمار ......
جربو وبتشوفون ..............
وتقبلو خالص حبي وتقديري


ادعيلي بالشفا والزوج الصالح والذريه الصالحه :)

هدي خلطه شسالفه اختي :)

يسلمو يابنات