خلطة طبيعية لتجعيد الشعر ، وأخيرا لقيت اللي أتمناه بعد معاناة .

السلام عليكم ورحمة الله وبركاته ..
عندي لكم خلطة رهيبة لتجعيد الشعر ومن مواد طبيعية بعد ..
الخلطة هي :
ملعقتين أو على حسب المقدار اللي تبينه من مادة الصبار اللزجة + ملعقة وحدة من كريم الباراشوت لترطيب الشعر + ملعقة وحدة من زيت السمسم .أو حسب المقدار اللي تبينه .
تخلطينها ثم تحطينها على شعرك ولا تكثرين يعني خذي كمية بسيطة ووزعيها على شعرك وانفشي شعرك شوي وإذا حابه يكون التجعيد أكثر زيدي الكمية إلى الحد اللي تبينه ، وشوفي كيف راح يطلع لك تجعيد يهبببل.
طبعا الصبار يعطي رطوبة خفيفة يعني يخلي الشعر كيرلي ولا يكون مفلفل أو متجعد بقوة .
والباراشوت يعطيك ريحه تهبل ، والسمسم يعطيك لمعة يعني كأن شعرك ناعم ومجعد .
طبعا أنا أستشور شعري استشوار خفيف ثم أحط الخلطة هذي .
وإذا مليتي من التجعيد اغسلي شعرك وشوفي شعرك صاير حلو لأن الخلطة هذي أساسا هي لتنعيم الشعر مو للتجعيد لكن لما حطيتها شفت تجعيدها كيف حلو وصرت أجعد بها ..
:27::27:
لا تنسوني من دعواتكم ..
ملاحظة : دخولي للمنتدى نادر جدا فلا تعتبوا عليّ .