خلطة طبيعية 100% ومن أرض بلادي

بسم الله الرحمن الرحيم
كيفكم يا بنات
من يومين اخدني زوجي الله يخليلي اياه بمشوار على منطقة قريبه من بيتنا وهاي المنطقة كتير طبيعية
شو خضار وشو طبيعة " شي بجنن " وخاصة بهالوقت من السنة , ومتل ما بتعرفوا مناطقنا بالاردن بطير ضبانات العقل
خلص لا تعصبوا :mad: رح افوت دغري بالموضوع
يا حبيباتي بهاي المنطقة كان فيه اكليل الجبل وفي كم شجرة سدر وكان فيه جرجير , اونا شو حكيت لحالي بما اني قرأت بمنتدانا الرائع عن هاي الاعشاب انها مفيده كتير للشعر قمت اخذت شوي من كل نوع
واليوم فرمت الجرجير وأوراق السدر واكليل الجبل فرم ناعم وبعدين جبت كوب زيت زيتون " اكيد طبيعي 100% " لأنه من زيتونا اللي جنب البيت وكوب زيت عافية وعلبة زيت خروع ولطتهم مع بعض بعد ما سخنت الزيت شوي لأنه الجو بارد
وأنا رح أخليهم كم يوم مع بعض لحتى ينسجموا مع بعض والزيت ياخد عصارة الأعشاب , بعدين رح اصفيهم وآخد الزيت واستعمله على شعري لأنه ضعيف كتيييييييييييييييييييييير
وان شاء الله رح أخبركن عن النتائج أول بأول