المهم قلت وش ورانا نجربها طالما انها طبيعيه وجربتها انا شخصيا وبصراحه كانت النتائج كالتالي:
1-نعومه وتفتيح بسيط من اول استخدام...
2 تفتيح اكيد مع الاستمرار علما بان هذا ثالث يوم لي استخدمها ونتائجها حلوه بصراحه واكيد مع الاستمرار راح تطلع احلى <<<بس مشكلتي الوحيده الحبوب:06:
وراح اطرح لكم هذه الخلطه بكلام الاخت اللي كتبت عنها <<منقوله تقووووووول:
هلاااااابالجميييييع
اكيد متعذبين وراسكم داير صح؟!
بصراحه؟ انا جربت خلطه والله يشهد علي وعلى صديقتي وامها وخالتي وخواتي وامي... ان ماشفت احلى منهااااا
تطلع النتايج من اول يوم
يا بنات تبغون دليل اقوى؟!
يد خدامتنا.... هي واااااااااااااايد سمرا.. سودا... ويدها نفس الشي... خذت شوية من الخلطه وفركت ايدها فيها... والله العظييييم مفاجأه ... لدرجه انها هي (خدامتنا) تقول شو هذا؟ سحررررررر؟
الخلطه للوجه وللجسم..
وخاصه اليدين والرجلين...
بس بشرط تدعون لصاحبه الخلطه الله يخليكم
يعني الخطوات هي...
تفكرين جسمك بقوة شوي ... وبعد الفرك تضيفين شويه من الخليط على الجسم او اليد او الرجل او الوجه وتخلينه نص ساعه او الى ان يجف... وبعدها شيليه بالتقشير بيدك او بالماي البارد ... وشوووفي النتايج وادعي لي ولصاحبه الوصفه.. هي وحده مصريه وطيبه وحبوبه والحين عليها مشاكل ماديه... ادعوا لها
بالنسبه للوجه افركي ويجهك فيه وبعدها حطيه كماسك لمده نص ساعه..
وشيليه بالتقشير بيدك او بالماي البارد...
الخلطه هي...وانصح كل وحده تسويها.... والكميه هذي كبيره وتكفي لعده ايام.. بس لازم تحفظونها في الثلاجه علشان ما تخترب وتبقى لفتره اطول..
مقــــــــــــــــادير الخلطة::
قشور 3 موزات... بس القشور من غير الفاكهه نفسها( يعني كلي 3 موزات وخلي قشورها للخلطه )
بطاطا مسلوقه مع قشورها
نص ليمونه صفرا مع قشورها
كوب حليب طازج(حليب نادك او مراعي او العين او اي حليب حجم صغير) الحجم الصغير للحليب .. تحطينه كله.. لأنه يعادل كوب تقريبا
وبــــــــــــــــــس..
الطريقـــــــــــه:::
تاخذين قشور 3 موزات والبطاطا المسلوقه مع قشورها ونص ليمونه مع قشورها والحليب وتحطينهم بالخلاطه وتخلطينهم عدل...
يطلع لك لون بني
خذيه وحطيه في علبه زجاج ( علبه ورق عنب مثلا راح يوصل لاكثر من النص) وخذيه وحطيه بالثلاجه علشان ما يخترب
وخذي منه اللي يكفي وجربيه بنفس اليووم حتى لو مب بارد
وشووووووفي النتايج الرهيبه
والله رهيييييييييييييييييبه جربيه وشوفيه
بس نصيحه.. افركي ايدك عدل فيها... وحطيه ماسك نص ساعه
والوجه افكريه بحركات دائريه لفتره 5 دقايق واغسليه وبعدين حطي كميه منها كماسك لمده نصف ساعه وشووووفي الفرق..
ممكن تسوينها كل يوم مافي اي مشكله.. انا اسويها كل يوم.. بس افرك وجهي فيه وبعدين اخليه ماسك..وساعات بس اغسل وجهي منة...
وشوفي النتايج
صدقوووووني البنات في الجامعه كلهم يسألوني ليش محلوة؟؟
جـــــــــتني بنت بس علشان تسألني انتي ليش حلوة ماشالله؟؟
وصدقوني كله من هالخلطه
صارت لي اسبوع وشويه استخدمها... وكل اللي سواها تخببببل عليها,, جتنـــــي مسجات يقولون تجنن هالخلطه..
جربيها وماراح تخسرين ... جد راح تنفع الكل... وانا بشرتي تحسس من اي شي.. لكن ما تحسست من هالخلطه بالعكس.. تحسنت وايد وخف الجفاف اللي فيها...
اسمعوا نصائح سعـــــــــــــودية
اتمنى تكون عجبتكم والله الله بالردوووود الزينه....!!