بسم الله الرحمن الرحيم
شخباركم عساكم بخير وسلامه
عذروني من زمان ما شاركت لكني اتصفح المنتدى بين الحين والاخر كوني عضوه قديمه هنا
ولهذا المنتدى الفضل الكبير في تعليمي الكثير الكثير ولله الحمد
اليوم جايبه لكم خلطه من تجاربي كون مدينتي متميزه بالعود والبخور والعطور عن باقي الولايات
الخلطات الصوريه ( نسبة لولاية صور العمانيه ) تمتاز بالريحه الهااااادئه والبارده خلطات خاصة بالحريم الصوريات
والحين اترككم مع الخلطه وياليت تخبروني عن النتيجه عند التجربه ولو بمقدار قليل
المقادير
ـــ ربع تولة عود خشب اللي تحبيه ... انا استخدم عود الرصاصي الدقه الصغير
ـــ تولتين عطر صدف المركز لونه اسود مش احمر
ـــ تولتين عطر مسك الجامد مش السائل (يشبه الشيره) وهذا نشتريه من صلاله عادة مدري اذا بتحصلوه معكم
ــــ تولة عطر ورد من النوع اللي مش ريحته حاره وايد حتى لا تطغي على الباقي
ملاحظه : على كثر كمية العود حطي العطر انا حاطه للتجربه فقط عشان ماتخسري الكثير
الطريقة :
نخلط جميع المقادير في زجاجه محكمه ونقلبها مع بعض
نتركه لمدة 20 يوم او اكثر شوي ... مع التقليب كل 4 ايام عشان العود يتشرب العطر
ثم تتبخرين به وريحته بارده وهاديه
ممكن تستخدمين نفس الخلطه بس بدل عطر صدف تستخدمين مخلط الامارات بعد تطلع روعه
وسلامتكم
اختكم ام عبدالله
الصوريه @alsoryh
محررة برونزية
يلزم عليك تسجيل الدخول أولًا لكتابة تعليق.
لارين3
•
يعطيك العافيه
الصفحة الأخيرة