خلطة فتاكة بس للعرايس ~

هلين بنااات بقولكم الوصفة على طول

تستخدم للعرايس قبل الزواج بشهر او شهرين ولازم يومياً

يخليكي لمبه وجسمك زي القزازة من البياض والتفتيح ويوحد لون البشرة

واذا طلع غير كذا تعالي لطشيني وكفكفيني ههههههههه صدقوني ياعرايس مافي ندم

لكل من تبحث عن خلطات والي تعبت من كثر ماتجرب وصارت فار تجارب خخخخ

بحطلكم سررر فتااااك .....





المكونات :
زيت زيتون
طحينة
حليب نيدو مجفف
كركم للجسم ( للجسم مو حق الاكل )
ورس
حناء
سدر
صابونة كركم




_________________________

اول شي تجيبي علبة قزاز كبييرة وعنقها يكون ضيق
http://www.couronneco.com/upload/images/product/large/0535_diamond_glass_bottle.jpg



بعدين جيبي كاسة زيت زيتون + كاسة حليب مجفف + كاسة طحينة فضيها فالعلبة
وحطي عليها 3 ملاعق ( ورس + كركم + حنا )

وعيدي الكرة لحد ماتتملى العلبه

يعني لكل كاسة ملعة ورس وملعقة حنا وملعقة كركم وعبي العلبة

وبعد كذا رجي العلبة خضيها زييييييييين وبعدين جيبي العلبة عالسطوح ولا الحوش ولا الشباك

وحطيها لمدة ثلاث ايام فالشمس


وبعد كذا ياعروسة استخدميها لجسم يوميا

طبعا بتعدم الدنيا لذالك لازم يكون عندك قميص مخصص للخلطة وحطيها فجسمك ادهني كل جسمك
وسوي مساج خفيف لحد مايتشربه الجسم ولبسي قميصك واطلعي من الحمام

افرشي شرشف قدام التلفزيون واتسدحي فيه عشان يمر الوقت ماتوسخي الدنيا

اقل شي تقعد فجسمك ساعتين

ادري عذاب الخلطة بس العرايس حيكونوا مهتمين


وبعد كذا غسلي جسمك بالمويا الحار والسدر وافركي افركي وبعد كذا الشطفة الاخيرة غسلي بصابونة الكركم

وياحبذا تكون العلبة كبيرة ولازم عنقها ضيق عشان لمن تدهني تكون العملية سهلة


ولوسويتي كل اسبوع حمام مغربي حتكون النتيجة واااااااااو بشكل ماتتصوريه


هذي الخلطة سويتها انا بشرتي فاتحة وفتحتني بزيادة واختي اسمر مني سوتها والكل يسئلنا
بيموتو ويعرفو ايش سوينا ببشرتنا بس يحنا مانجاوبهم مو حسسسد بس خليهم يموتون
نقولهم نشرب حليب عالريق بس خخخخخ

وما ابغى تجي وحدة وتتفلسف الي تبغى الوصفةة تستخدمها والي ماعجبتها تحفظ الكلام لنفسها

انا حطيتها هنا عشان اساعد العرايس من الخلطات والخرابيط كريمات وحالة ولاتبان النتيجة