/
خلطة فعالة لتبييض وتنعيم الجسم بالصور
/
المقادير
صابونة دوف+قرعة ماء ورد+2ملاعق دانون مسوس نسيت مصورتوش+4ملاعق كبار زيت الزيتون+4ملاعق كبار جليسيرين+معلقة كبيرة زيت اللوز+عصير حامضة
طريقة تحضير خلطة تبييض وتنعيم الجسم بالصور
حكي صابونة دوڤ و ديريها فكاسرونة
زيدي عليها قرعة ماء الورد
2 معالق دانون مسوس
ديريها فحمام مريم و ديريها فوق النار و خليها تذوب
في زلافة ديري 4 معالق كبار زيت زيتون
كتزيدي عليهم 4 معالق كبار جليسيرين+ معلقة كبيرة زيت اللوز أو أي زيت عندك+عصير حامضة
منيني يبان ليك الصابون ذاب
زيدي عليه الخليط و حركي مدة 2 دقائق فقط
حيدي الكاسرونة و حطيها تبرد شي 3 دقائق
أسكبي الخليط في طاسة
و خليه حتى يبرد مدة ساعتين من بعد ديريه فالثلاجة
هاهي خلطة تبييض وتنعيم الجسم جاهزة للاستعمال
طريقة استعمال خلطة تبييض الجسم وتنعيمه
خاص الجسم ديالك يكون نظيف،تاخذي الخلطة و توزعيها على كامل جسمك
و تخليها حتى تنشف ، من بعد لبسي شي بيجاما قديمة عندك و بقاي هاكاك من 3 إلى 5 ساعات من بعد خودي دوش غير بالماء وإسفنجة فقط ،راه الخلطة غادي ترغوي راسها
نشفي مزيان و دهني كريم جمسك الخاص و تمتعي بالنعومة دابا اللي مقبلات على الزواج : والله كنضمن لك في شهر إلا تبعتي الطريقة اللي غادي نقول ليك ،غادي يولي جسمك رائع ،بياض و نعومة
غادي تستعملي الخلطة يوميا 6 أيام في الأسبوع إلا نهار الحمام
لكن ملي غادي تدهني بالخلطة غادي تباتي بيها ليل كله و الصباح تدوشي بالطريقة الي قلت في الأول
و الي مزوجة تستعملها وقت اللي تكون كتقضي شغال الدار و تخليها كيف ذكرت في الأول ،هاد الخلطة للجسم كله إلا الوجه،أنا كندهنها من عنقي حتى لرجليا،و حتى للمنطقة الحساسة و المؤخرة
أتمنى كل وحده تدخل
او تجربها
أنها تدعلي ان الله يجمعني بمحبي
عاجلا غير اجلا
منقول الموضوع للفائدة
