خلطة كريمات للترطيب البشره وتوحيدها🧴💦💃🏻الي ركبها سودا لا يفوتها

اهلينن بنات💃🏻💃🏻
مساء النظافه والجمال 🧖🏻‍♀️💦✨🧴
يلا بنااات قومو خذو لكم شاور محترم ..
واختار لكم خلطه او ماسك من خلطاتي👌🏻🧖🏻‍♀️🧴
ودلعو نفسكم ..
وعاد اهم شي لا تنسون الترطيب الترطيب ثم الترطيب 💦💦🧴


شوفو معاي بقولكم شغله مهمه ..
لو سويتو حمام مغربي ..
لو سويتي سنفرات ..
لو سويتي خلطات وصابونيات وماسكات ومارطبتي جسمك صدقيني تعبك بيروح كله عالفاضي وبالعكس بدال ماتفتحين نفسك كذا تسمرين اكثر
لان الخلطات والصابونيات كلها تنظف من قلب فكذا يجف الجسم فضروري بعدها ترطيب عشان تلقين نتيجه حلوه ويتغذى بشرتك ..
اليوم بعطيكم خلطة كريمات تخلي جسمك زبدة حطيها بجسمك في اي وقت مثلا قبل النوم وبعد الشاور والحمام المغربي اوالخلطات والصابونيات يعني اعتبريه كانه مرطبك اليومي يجنن يابنات يوحد البشره وينعهما ويفتحها ومع الايام حتى ركبتكم يابنات واكواعكم بتصير بيضاء يعني نفس لون بشرتكم😍😍
بس اهم شي لا تحكون ركبكم واكواعكم بالارض بشوي شوي عليها ولا تفركون ركبكم بقوه لانها هذا مو يبيضها بالعكس هذا يسودها زياده..
المهم مابطول عليكم طريقة الخلطه سهله بس بكتب لكم الكريمات وانتو اشتروها واخلطوها كلها مع بعض زين .. واستخدموها
الكريمات هي💧🧴🧖🏻‍♀️
لوشن البابايا ( طويل ولونه برتقالي)
مرطب فازلين الوردي ( موحد اللون)
لوشن نيفيا الازرق الغامق بزيت اللوز
كريم جليسوليد الاحمر
زيت اللوز المر
الطريقه تاخذين الكريمات عاد تبين تسوين كميه كبيره او صغيره كل وحده وكيفها اهم شي يكون بكميات متساويه معاد زيت اللوز يكون اقل بشوي وتخلطينهم كلهم بالمضرب اليدوي عشان مايكون في تكتل وتحطينه بعلبه نظيفه وبعد كل شاور تستخدمينه اما الي تبي ركبتها واكواعها بيضااء تحطه في اليوم ٣ مرات ولاتحكون ركبكم بالارض بعد شهر تعالو شوفو ركبكم كيف طبعا😍😭😭بيضاء وناعمه وورديه تهبل الا اذا كانت سودا مررررره استمروا اكثر من شهر لين تفتح وبس والله حبيت افيدكم لاني اعتبركم خواتي
اكتبولي في التعليقات الموضوع الجاي تبون شنو انزلكم خلطه عن شنو عشان افيدكم❤️❤️
اهم شي لا تنسوني من دعواتكم ❤️❤️