خلطة لتنعيم وفرد وايقاف التساقط سهله وبسيطه ونتايج روعه باذن الله

السلام عليكم ورحمة الله وبركاته ..


هذي خلطة بسيطه لكل من تعاني من شعر مجعد وتنفع للتساقط وسمعت ان هالعشبه تكثف الشعر من خلال قرأتي عنها انا بديت فيها توني ولها كذا طريقه
ممكن مع الحنه او مع الزيت تنقعيها او تنقعيها مع كاس ماء دافي وتغسلي بها شعرك
وتتركينها من ٤-٥ ساعات وغطيه بكيس وغسليه


انا اول مره جربتها مع الماء نقعتها ولما يبرد تغسلي شعرك بها ومره مع الحنه وزيت سمسم وتعجنيها بماء دافي وتتخمر وتحطيها بشعرك


طريقتي الجديده تلاحظي ماشالله من اول استخدام
علبه زبادي وملعقه مايونيز زيت سمسم او اي زيت مثل جوز الهند او زيت زيتون
وملعقه متوسطه من هالعشبه الجميله تخلط جيدا وخليها عشر دقايق تخمر وحطيها ع شعرك كله وحطي كيس اتركيها ثلاث اربع ساعات عادي وغسلي شعرك
ترطيب وفرد ماشالله ولمعه استمروا عليها مره او مرتين بالاسبوع حسب خشونة شعرك


العشبه هيا اسمها عشبة المد تقدروا تخشوا قوقل تقروا عنها اكثر


ملاحظه // في نوع مقلد والاصلي يجي كرتونها وردي وعليه رسمة بنت بس تجي جوتها قطعه معدنيه هذي الاصليه واللي مقلده نفس الكرتون بس بدون قطعه معدنيه هذي تقليد انتبهوا يابنات
موجوده بالعطارين سعرها ٥٠ ريال


اتمنى افدتكم ومانسيت شي


تحياتي لكم جميعا