خلطة للمناطق الداكنة و نقط الساق و تقوم بتفتيح البشرة بشكل جميل

السلام عليكم و رحمة الله و بركاته
هذي الخلطة مرة حلوة للمناطق السمرة و كمان تفتح و اذا حطيتيها على سيقانك تشيل النقط ( اللي سببها منابت الشعر )
لا أحد يسألني بعد كم تبان النتيجة
و لا وحدة تدعي عليا اذا ما ناسبتها
ماشاء الله تبارك الله اللهم صلي على محمد و بارك عليه ناسبتني
على فكرة
هيا ما تبيض
هيا ترجع لونك الأصلي اللي سببه عوامل التعرية
اللي في الجزيرة العربية
الخلطة
3 ملاعق جليسوليد + ملعقة صغيرة فكس + ربع كاسة عصير ليمون + 3 ملاعق خل تفاح قودي + ملعقة نشا + ملعقة ملح + 3 ملاعق زيت جنين القمح

أخلطيها تمام و حطيها في الثلاجة و قبل ما تنامي اتدهني بيها و في الصباح أستحمي بصابونة ديتول
وبعدين رطبي جسمك بجلوسوليد مع ليمون
ريحة الليمون تعجبني بصراحة
و كمان الجليسوليد
على فكرة لا تخافي من الخل لأن كميته مخففة هنا
و كمان سمعت دكتور تجميل يستخدم كلورات الخل في التقشير عشان صفاء البشرة
البنات اللي ضرهم الخل كانوا يحطوه زي ماهوا مركز
ملاحظة ( الموضوع واضح ما يحتاج أسئلة عشان كذى ما راح أرد على و لا سؤال يعلم الله إنه في نيتي أخدمكم
و ما أبغى أضر أحد و اللي بشرتها تتحسس الله يخليها تسيبها لأنه ما يحوج نضر نفسنا على شي ما يستاهل
أنا عن نفسي بصراحة بشرتي حساسة و الحمدلله ما جاني شي يمكن وحدة بشرتها حساسة أكثر مني
الله يسعدها اذا اتحسست منها تسيبها و اللي ما تفيدها لا تدعي عليا و اللي تفيدها تدعي لي انه ربي يرزقني أنا و اللي أحبهم أعلى درجات الجنة و الفردوس الأعلى )
أعذروني ما راح أرد لأني مشغولة بصراحة
مع السلامة