خلطة مغربية تستخدم للتبييض

احم احم .. شحالكم .. :mouse:

الأدوات بتلقونها كلها عند ( نزيه ) و عند أي محل ( مغربي )

الحرمة المغربية اللي تشتغل في محل ( الجمال المغربي ) بالعين ( الامارات ) خبرتني عنها ..
بعد ما خبرتها اني عروس .. و كنت أشتري أغراض الصابون المغربي من عندها ..
المهم .. عطتني خلطة لتبييض الجسم و إزالة السواد ..
صراحة و للأمانه أنا ما جربتها .. للحين كل ما أطلع السوق أتعايز أشتري الأغراض ..
مع أنه أغلبية الأغراض عندي .. ناقص كم غرض .. :21: ..


متى تستخدم ؟
- تستخدم بعد الحمام المغربي..

متى تجهزينها..؟
- بعد ما تحطين الصابون المغربي على جسمج .. و تنتظرين نص ساعه .. في ها الفترة .. جهزي الخلطة الثانية ..

- ما هي الأدوات ؟
1- طين ( تلقينه عند أي محل مغربي ) أنا خذته من ( الجمال المغربي ) بـــ 15 درهم
2- ماء ورد .
3- زعفران .
4- لون أحمر ( يسمونه عند المغاربة " عكار الفاسي " ) بــــ15 درهم .
5- صابونة دوف . ( مبشورة )
6- كريم التقشير .. ( الكريم .. ) مو البودرة .


الطريقة ...
حطي الكمية الي تكفي جسمج كلها ..( هي ما حددت لي بالضبط المقادر ) ..
خلطي المقادير كلها مع بعض ما عدا كريم التقشير..
اللون الأحمر .. خذي منه ملعقة صغيرة بس ..
لما تكونين خلصت الحمام المغربي و تفركتي زين ..
ضيفي للخليط .. كريم التقشير و يكون مقداره ( ملعقة و نصف )
و خلطيهم كلهم مع بعض ..

بعدين .. حطيه على جسمج .. و افركي و افركي ... ركزي على الأماكن السوداء و الخشنة ..
و سلامتكم..


بتسألون ليش كريم تقشير ؟
علشان الكريم هذا .. يساعد على خروج الأوساخ بسهولة ..
و اللون الأحمر بعد نفس الشي ..


بنات جربوا .. و خبروووني
و أنا بجرب أول ما أخلص دراستي على 6 ..
الحرمة قالت لي .. أنه وايد زين .. و هذي الخلطة يسوونها عندهم للعرايس ..


و سلاااااااااااااااااااااااااااااام للجميع :27: