السلام عليكم ورحمه الله وبركاته:
صباح / مساء الخير
اول شي الله يجزاكم خير يابنات حواء ماعمري سألت سؤال الا لقيت عندكم جواب لو بدعوة ..
بعلمكم وش سويت امس من الفضاوة طلع وجهي يلق الحمدلله ( ماشاءالله ):pinklove:
قررت استمر على هالطريقه كل اسبوعين اسويها مره
اول شي انا بشرتي دهنيه وانتو تعرفون مشاكل البشره الدهنيه من دهون وحبوب وزيوان
انا من النوع اللي مااهتم كثير بس امس بعد ماشفت وجهي كيف صار قررت اهتم الطريقه سهله ومتوفره في كل بيت .
الأدوات ::
بخار الوجه المنزلي "" اذا ماعندك تقدرين تحطين قدر المهم ضروري بخار
وسكينول اي نوع
وقطن
وزيت بيبي اويل
و موية ورد
وصنفره كاب << جربت انواع بس مثل هذي ماشفت رهيبه بمعنى الكلمه ..
اداه ازاله الزيوان انا اشتريتها من ابو ريالين رهيبه
الطريقه :
اول شي غسلت وجهي ومسحته بالسكينول وعرضته شوي للبخار وبعدين حطيت الصنفره وجلست 5دقايق لين حسيت مسامات وجهي تفتحت بعدين فركت الصنفره بوجهي بشويش لين نزلت بعدين غسلت وجهي وحطيت فيه زيت بيبي اويل وعرضت وجهي للبخار بس ماطولت بعدين مسحت وجهي بالمنديل بشويش وجبت الحديده وشلت الزيوان اللي بأنفي ودقني بعد ماخلصت غسلت وجهي ومفروض احط ثلج بس مالقيت قمت وحطيت الخلطة على طول وهي:
ملعقه عسل
وملعقه حليب بودرة
وموية ورد ماحددت الكميه جلست احط لين طلع متماسك
اتعب وانا اقولكم رهيييييييييييييييييييييييييييبه تراها من اختراعي وللي قد سمعت عنها او قرت عنها انا ماأدري بس انا عن نفسي سويتها من راسي ماقد سمعت عنها << خلاص درينا انك المخترع :pinklove:
المهم خليتها بوجهي ربع ساعه ولاتنسون يابنات حطو على شفايفكم من الخلطة والله العظيم شفايفي صارت حمرا ماشاءالله تعرفون فايده العسل للشفايف وعقب غسلت وجهي وانا عندي مويه ورد في بخاخ بخيت وجهي .. وبس
النتيجه :
وجهي فتح وصار نظييييييف مره :biggthump والله كأني حاطة كريم اساس ( ماشاءالله )
وقررت اسويها كل اسبوعين يعني بعد كل تنظيف بشره لأني سمعت ان كثر العسل يكثر الشعر بالوجه ووجهي مو ناقص :frown:
و اللي تسويها لازم تسوي تنظيف بشره قبل عشان تحس بالفرق
وبعطيكم خلطه قريتها في كتاب جربتها مرة ورهيبه بس ماأستمريت عليها راح استمر من اليوم بإذن الله هي :
ملقعه زيت لوز << معروف انه حلو للبشرة ويشيل اثار الحبوب والكلف.
ملعقه عصير برتقال << فيتامين سي ومعروف انه يعطي نظارة للبشرة .
وملعقه حليب بودره << تبيض الوجه وتعطيه حيويه.
اخلطيها وبرضو لاتنسون الشفايف حطو عليها في كل خلطاتكم وخليها ربع ساعه واغسليها بمويه بارده وبخي مويه ورد بعدها وان شاءالله النتيجه ترضيكم يااااارب ..
وتكفون لا تجي وحده تدعي علي اذا مانفعت معها :frown:
واذا نفعت معاكم ادعولي ربي يحقق لي اللي اتمناه ولكم بالمثل يارب..
انا كتبت تجربتي لأنكم تستاهلون ويارب تنفعكم واذا مانفعتكم ماتضركم وأي سؤال انا حاضرة :pinklove:
j0o0ry @j0o0ry
محررة
يلزم عليك تسجيل الدخول أولًا لكتابة تعليق.
$.غنوه.$
•
يسلمووووياعسل
j0o0ry
•
الله يسعدك يارب عجبتني الخلطة الاخيرة بسويها بس زيت اللوز حلو ولا مرالله يسعدك يارب عجبتني الخلطة الاخيرة بسويها بس زيت اللوز حلو ولا مر
وياك يارب ولك بالمثل
استخدمي زيت اللوز المر هو للبشره يارب تعجبك النتيجه ..
استخدمي زيت اللوز المر هو للبشره يارب تعجبك النتيجه ..
الصفحة الأخيرة