أنا وعدتكم انو بجرب خلطة زيوت واذا نجحت معاي بقول لكم عنها
طبعا شعري انتهى من التساقط
وصارت لي فرااغااات
وسويت خلطه من عندي بصراحه رووووعه
طبعا تركت الاستشوار وتركت البلسم نهاااائي الا اذا حطيت حنه أغسله ببلسم فقط
واستخدم شامبو وزيت فاتيكا اللي بالصبار والثوم والجرجير
بصراحه رووووووعه قليله عليه:27:
استخدم مرتين في الاسبوع حنه ومرتين الزيوت يعني بعد مااحط حنا يوم ثاني اسوي زيت وكذا
المهم حسيت بعد استخدامي للخلطة
انو جاتني حكه في شعري وشكيت قلت لايكون جاني قمل هههههههههههههههه مع اني والله كل يوم أسبح وأحيانا مرتين في اليوم بسبب ولدي الله يحفظة وترجيعه اللي موراضي يخلص
المهم ماطلع فيني قمل ههههههههههههههههههههههههههههه
وناظر شعري من كم يوم في المرايه وأشوف الشارع العام (المفرق) اشوف في شي ؟؟؟:27:
صبطت شعري بيدي يعني سطععععت قذلتي بيديني الا أشوف شعر صغار وشعر وسط نابت لي على فوق طللللللع لي شعررررررررررررر يااااااااربي
والحكة سببها الشعر الصغير وهو طالع يسبب حكه ..مثل اذا شلتوا بموس يحكك اذا جا يطلع لك شعر نفس الحكايه في الراس
والله ماتصدقون شقد فرحتي
المهم <<<< أدري عذبتكم هههههههههه
الخلطه هي
زيت الحيه الأصلي ..صورته مليانه النت اللي علبته على شكل راس حيه
زيت الخروع
زيت سمسم
زيت زيتون
زيت ذرة
طبعا القارورة كااامله كلها من كل نوع
وبسسسسسسسسسسسسس
أحطهم في علبه زيت كبيرة ورجييييتها وتركتهم يومين تقريبا وحطيت منه على شعري وألفه بالبلاستيك حق الاكل وألبس لي فوطة على راسي مو رطبه لا ناشفه بس علشان تكتم زياده :27:
وأخليهم 4 أو 5 ساعات على مزاجي:35:
وأغسل شعري بشامبو فاتيكا مرتين لانو مايفك الزيت بسهوله
وأترك الفوطة على راسي ملفوفة لفوق أتوقع الكل يسويها هالحركه لين يصير شعري شبه جاف وبعدين أدهنه بزيت فاتيكا وأمشطه وأركع وأخلي شعري على وجهي وأمشطه وأحط الفوطه عليه وألفها من جديد يعني ألف الفوطه عليه وهو ممشط على العكس لين يجف عدل وأفكها طبعا بيصير الشعر طاير لفوق كأنك حاطه باروكه وكثييييف ههههههههههه بس مشطيه لاتخرعين أحد هههههههه وبعدين أمشطه و أربطه وبثثثث
الفوائد اللي شفتها :
نعووووووووومة..الطعجات خفت بشكل كبير ..
التقصف باي باي ..وطول شعري ..كان مايتحرك .. بس من استخدمت هالخلطة طال شعري بس موكثير بس بالنسبه لي أنجاز لانو شعري مايطول بسهوله ..
كنت ماأقدر ألمسه بيدي من ورى ظهري ألحين أقدر ألمسه
يعني أنصحكم فيها بنات
لي شهر من استخدمتها بس نتايجها بانت من ثاني استخدام بس النعومه من أول مرة
هذا صورة زيت الحيه للي ماتعرفه
ماأبي منكم ألا انكم تدعون ربي يسخررررر لي زوجي ويهديه ويبعدنا عن المشاكل:icon33: ويهدي بنتي الشينه :icon33:
آآآآآآآآآآمين