سائرة إلى المعالي...أنا بعد أبغى نصيحتك ..كل ما غسلت شعري فكرت في خلطات الأعشاب اللي تفرد الشعر ..وفي نفس الوقت خايفة منها ولين استشورته يطلع ما شاء الله ما عليه كلام إلا أذا تعرضت للرطوبة يضيع كل تعبي في الاستشوار ..أنا الحين أكتب وانا حاطة الخلطة هذي ثالث مرة ..برايك أصبر على شعري واشوف نتايج الخلطة ولا أشوف موضوع الفرد بخلطات الأعشاب.؟؟؟؟

أختي شجرة الدر

أنتي استخدمتي الخلطة 3 مرات

شلونها معاج؟؟؟ تغير شعرج ؟؟؟





والله ما اصحج بأي نوع من الفرد لا بالأعشاب ولا الكيمياءي

والله قوي على الشعر

اذا ما حرقه مباشرة يحرقه عقب فترة وتبتلشين بشعرج

منتف ومقطع ونصه قصير ونصه طويل يلوع الجبد

ويصير باااااهت وشكله جاااف ومو حلو

انا انصحج تسوين مثل اختي

تلقين مشاركتها

في الصفحه الثانية مادري الثالثة اسمها راقيه

استمرت على الخلطة وكانت يوم بالأسبوع تحط ( روب + سمسم تحمسه وبعدين تطحنه)

والحين تقول ما افكر بالفرد بعد ما كانت مصره عليه

ليش هونت؟؟؟

لأن شعر تحسن وااااااااااايد كأنه مستشور خفيف

وثاني شي شرت السشوار اللي قلت لكم عنه

وهو ( براون ) 1800 وات

دوري الموضوع واقريه

وقبل لا تستشورين شعرك دهنيه بسروم على الأطراف

وسشوري شعرك عدل

فرقيه وسويه خصل ( 6 خصل) وكل خصله سشوريها عدل من قلب لما تحسين انها مفروووووووده وحااااره

بهالطريقه ما راح يكش عقب السشوار

الله يجزيك خير
بس حبيت اسألك وين احصل هالزيوت؟؟؟؟؟
لان الزيوت التجاريه بكل مكان واااخاف انها مو اصليه ولااستفيد شيء
خاصه زيت الحيه الهندي؟؟؟؟

تسلمين اختي سائرة للمعالي ..واناللحين تجربتي مع الخلطة إنها أعطت شعري حيوية شوي أكثر من الأول أما بالنسبة لفرد الشعر ما لاحظت للآن فرق كبير لكن باستمر بإذن الله وبجرب طريقة أختك الله يجزاك وياها خير وانا فعلا مترددة جدا جدا من الفرد والله يعينا على هالشعور.

طبعا مثل ما قلت لكمك الخلطة ما تفرد 100%

لكن تخلي الشعر حيوي وناعم ويلق

ولما تستشورينه ما يطلع ناااااااشف ومو حلو

لأ يطلع حلوووو

وبعد شهر واكثر

تحسين انج مو محتاجه السشوار

بتستغنين عنه

لأن شعرج بيصير كأنه نص مستشور

(( لاحظو انا ما احب المبالغات انا صاااااادقه في كل كلمه اقولها))