خلطتي الخططيره اللي اغنتني عن باااقي الخلطات... نفخ خدود , نعومه , بياض , صفاء واشراق

بسم الله الرحمن الرحيم ,,,
اللهم لك الحمد حتي ترضى ولك الحمد اذا رضيت ولك الحمد بعد الرضا ,, اللهم صلي وسلم ع نبيك وحبيبك محمد وع اله وصحبه اجمعين ,,,

غالياتي الحوائيات .. السلام عليكم ورحمة الله وبركاته
طبعا انا عضوه جديده وهذي اول مشاركه لي ,, لكني من تقريبا ثلاث سنوات وانا متابعه فعاله لهذا الموقع الجميل والراقي واستفدت منه الكثير فحبيت انو انا بعد يكون لي دور وافيد مثل ما استفدت ,,,

^^ خلاص اتوقع يكفي لهنا رسميه صح ؟؟حقت انو عيب وتوك داخله عليهم وخلك مؤدبه اللحين اخذنا فكره و تعودنا ع بعض فخل نطب بالموضوع طواااالي و اقولكم سالفتي وماا ادراكم ما سالفتي :icon8:


انا فتاة <<احلفي !! , لا جد والله انا الحمدلله من ناحية البشره بشرتي حلوه ,, يعني صافيه مافيها حبوب الا بالنادر لما تقرب الدوره او مع الارهاق والتفكير وكذا تطلع وحده او ثنتين ..

لكن مشكلتي الاساسيه تكمن في انو انا من النوع اللي اول ما اضعف تختفي خدودي وهي اخر شي يسمن فيني فيصير وجهي كذا صغير ومختفي<< ترا انا ما احس انو كذا لكن ماما هي اللي تزن فوق راسي ! :crap:

المهم يا طويلات العمر وتفاديا للتعليقات الدائمه جربت كذا شغله مثل زيت جنين القمح وخلطة ثانيه والله نسيتها بالضبط لكن كانو اتوقع فيها بطاطس او شي مثل كذا !! الى ان توصلت لهذي الخلطة العجيبه وهذا االكلام بنات يمكن تقريبا قبل سنتين يا انو ماما سمعتها من دكتوره بالتلفزيون او قريناها بالنت ويمكن اصلا تكون من عالم حواء :tongue: معليش ترا ذاكرتي لكم عليها شوي !! اللي يهم اني اشتخدمت هذي الخلطه بعد اختبارات ثالث ثانوي لاني طلعت هيكل عظمي مخيف مع مستوى اكلي الطبيعي رجعت له اللي قبل الاختبارات لانو في الاختبارات تنسد نفسي فاعتدل جسمي مره ثانيه لكن خدودي شي ثااني لدرجة انو بنت خالي فجاه كنا يوم جالسين قالت لي : بشاير تدرين انو اكبر شي فيك خدودك :love: واااه يافرحتي فرحتاه لدرجة اني تمنيت بس ماما تطلع من اي مكان او تكون مركبه اجهزة تنصت في البيت بس عشان تسمع وترتاح :17: ههههههههههههههههه امزح امزح وادري اني بتكفخخخ اللحين صح !! لكن والله بس باقي شويه في القصه عشان ارتاح اني قلت لكم كل شي ,, طبعا بعدين بدت الجامعه وقطعتها وعشت طبيعي اللحين هالاجازه جاتني حاله فجاه ابي اصير هيكل عظمي وضعيفه حيل مثل عارضات الازياء فبديت دايت وكالعاده بدى وجهي بالتلاشي وانهالت علي التعليقات مره ثانيه فتذكرت خلطتي السحريه وبديت فيها لكن اكتشفت فيها شي زياده ,, انا بالمره الاولى كنت احطها بس طبعا ع منطقة الخدود بدون ماتلمس الخشم وكنت الاحظ جد انها تكون ناعمه وفاتحه وكذا تحسينها مشرقه لكن ما ركزت ع هالنقطه كثير لانو كان اهم شيء عندي تنتفخ هالمره لا قلت ليش ما اخليها 3 في 1 فصرت احطها ع كل وجهي ماعدا عيوني وخشمي طبعا وما اكذب عليكم يا بنات كوني اصلا مو من محبين المبالغات اصلا انولي اللحين تقريبا اسبوع و3 ايام الصفاء والاشراق والتفتيح بقووه وبعد الخدود فيها تغير واضح حتى انو ماما قالت لي "استمري يا بنت ع هالخلطة اللي تسوينها اللحين يعني لااااحظت !" :27: وخدامتنا تقول لي " انت متغيره " وانتم قولوا ما "شاااء الله تبارك الله " =) فما صرت استخدم الا هي مع اني كنت مجهزه كم وحده غيرها لكن قلت يلا اريح وحبيت انو كلنا نستفيد و ع فكرره بعد هالسالفه كلهااا الخلطة جداا سهله ومكوناتها ان شاء الله متوفره بكل بيت ...


المكوناأااأت:
1- ملعقه حلبه " معروفه فوائد الحلبه عاد في التفتيح والصفاء "
2- كاس مويه
3- ملعقه خميره فوريه " في ناس قالو لي انو المفروض تكون خميره نوع ثاني مو هذي لكن انا استخدم هي وماشيه حيل معي "


الخطواأااات:

1- اغلي المويه حطيها ع ملعقة الحلبه وع النار ,,
2- اتركيها لما تيدا تغلي كذا شوي وطفي عليها واتركيها ع حرارة الفرن ,,
3- بعد تقريبا عشر دقايق صفي المويه من الحبوب وبتكون تقريبا كذا صفرا وثقيله شووي ,,
4- هذذي الكميه تحتفظين فيها بالثلاجه كذا لوحدها وتاخذين منها فقط الكميه اللي تناسبك وتخلطينها مع الخميره,,
5- خذي كميه مناسبه وحرارتها معتدله واخلطيها مع الخميره لما تصير كذا عجينه سائله جدا مثل الماسك
6- حطيها ع وجهك لمدة 15 دقيقه ,,
7- اشطفي وجهك بماء فاتر وجففيه ,,





ملاااأااحظات:

1- يفضل تكون البشره نظيفه قبل استخدام الماسكات طبعا لذلك استخدم اسكينول البرتقال والليمون قبل الخلطه .
2- ماشاء الله المكونات لا يخفى علينا ريحتها القاتله >> انا تعودت عليها صراحه !! لكنها تظايق اللي حولك خصوصا لو انتي متزوجه فعشان كذا صرت اغسل وجهي بعدها بصابونة الكركم للتخلص من الريحه ولا انا ما اغسله بصابون عادة فصاارت النتيجه اروع...
3- بما انو تستخدمين صابون بعد الخلطة فراح تلاحظين انو بشرتك راح تصير جافه وغلط بعد التغسيل مباشرة تستخدمين كريمات لانو تكون مسامات مفتوحه بقوه و اصلا راح تحسين انو بشرتك كذا حاره وكانها متهيجه فاستخدم بعد التجفيف بخاخ موية الورد رهيييب يبرد عليك ويرطب ويزيد الاشراقه والصفاء ومعرووفه فوائد موية الورد وانا حاطته بعد بالثلاجه عشان يكون باارد فيصير له دور بعد انو يسكر المسامات ويشد ,,:pinklove:
4- بعد تقريبا 5 الى 7 دقايق تقدرين تحطين كريمك المرطب لما تجف البشره تماما من المويه ,,,
5- كما هوو معلووم لدى الجميع مو كل البشرات مثل بعض يعني ياما استخدمت خلطات استفادو منها ناس لكن انا ولا غيرت فيني شي فانت خبيرة نفسك جربيها وشوفي وشي مهم جدا هو انو انا مو متاكده من مدى تحمل البشرات الحساسه او اللي فيها حبوب لها فاختبريها ع جزء بسيط قبل لا تحطينها ع وجهك كلك ولاحظي انو هي اساسا يكون فيها مثل اللسعات لكن بسيطه وخفيفه مو قويه وهذا نتيجه لتفاعل فطريات الخميره ,,,,
6- اسكينول البرتقال والليمون وبخاخ موية الورد استخدمهم بكل الاوقات مو بس مع الخلطه كل ما تذكرت حطيت منهم تقريبا 3 - 4 مرات باليوم,,


وبسسس ,,, ادري طولت عليكم لكن ما ادري انا لما اقرأ اي موضوع احب يكون كامل ومجرررب وفيه كل السالفه والناس اذواق واسفه اذا كنت ضايقت احد.... وتمنياتي لكم بخدود ممتلئيه وبشره صافيه ومشرقه وحياة سعيده :26::26:

واللي عندها اي استفسار او سؤال تتفضل ولا تنسوني من صالح الدعاء واخوانكم المسلمين في سوريا وكل بقاع الارض ....................... تم بحمد الله :)