Honest ... أهليج فيج في المنتدى ...

بس لو تسمحيلي لي بعض الملاحظات على الخلطه ....

صحيح إنه المكونات كلللللللللها طبيعيه .... بس حتى لو كانت طبيعيه لازم تكون في ضوابط للأقنعه ..... إنتي أولاً حق شو تريدين هالقناع .... للشد ولا التقشير ولا البياض ولا .....
وبعدين يفضل في الأقنعه الطبيعيه إنك ما تخزنيها ... يعني لما تسوين القناع على طول حطيه على ويهج ... ليش ... لأنه هذي المواد من كثر الحفظ ممكن تفقد قيمتها .... وإنتي مستخدمه أشياء فيها فيتامينات طياره ... يعني ما تحتفظ بالقيمه لو طولت في الحفظ .... وبعدين الخميره تتلف من الحفظ حتى إنتي راح تلاحظين إنها بعد فتره صارت مثل الماي .....
وفي الأقنعه عامة المفروض إنه تكون المواد اقل من الحفله إلي إنتي مسوتها :23: .... كل ما كانت المواد أقل كان مفعولها مركز أكثر وبالتالي تعطي نتيجه أحسن .... والصراحه المكونات وايد قويه لو اجتمعت على بعض ...يعني ممكن تتلفين خلايا البشره وممكن تستوي البشره حساسه .... يعني خففي المواد قدر المستطاع ...

يعني في النهايه .... لازم تحددين إنتي تريدين القناع حق شو ...

المنتظره للجسم و الوجه و لو يستوي جان خليته حق شعري بالمره ... ما فيي اسوي خلطه ثانيه حق شعري بس تعبت :(

ميلودي الحين بعد هالتعب و الخساير تقوليلي هالكلام اللي يعور القلب و يحبط :(

أنا بغيت الخلطه حق تصفية البشره و تبييضها ... بس مثل ما يقولون جيت أكحلها عميتها

بس تعالي من صج ان الخلطه هذي ممكن تتلف خلايا البشره ؟؟ لأني استخدمتها اليوم و ما حسيت بأي شي .. يعني ما سوت حرقان و لا احمرار و لا طلعلي أي أثار جانبيه

ردي علي يا ميلودي و طمنيني عشان أقدر أكمل استخدام هالخلطه و أنا متطمنه :(

ياهلا فيك اختي Honest ضيفة معنا :26:

بالنسبة للخلطة صراحة احسها too much

بمعنى

لو حسيتي ان بشرتك طلعت حلوة وصافية وبيضاء ok

يعني لنفرض ان الخلطة ناسبتك تحسينها تتعب بمعنى لو ارتحتي عليها

صعبة انك تخلطين كل مرة هذه المكونات العجيبة
خياره
بطاطا
طماطه
ليمونه
صبار
عسل
لوز مطحون.
كركم
زيت زيتون
خميره
روب
سكر
رز مطحون
حلبه
حليب بودر
محلب

ويمكن السر يكمن في نوع واحد منها



لكن جربي مثلا

1- الحلبة مع الحليب >> للتبييض

2- زيت الزيتون مع السكر >> يقشر ويعمل مساج للبشرة وينعمها

3- العسل مع اللوز المطحون >> ايضا مفيد بشكل عام ويبيض

4- الطماطم >> للبشرة الدهنية تخفف من حب الشباب وتسد المسام بصورة جيدة

5- الروب + الليمون + الخميرة >> تصفي ايضا

6- الخيار >> يخفف من الهالات السوداء ويزيل اثار الحبوب والبقع

7- البطاطس >> اذا جففتيها وطحنتيها مه الروب ممتازة ويمكن استخدامها على شكل شرائح تشد البشرة لأحتواءها على النشاء وتنفع للهالات السوداء ايضا

8- الكركم >> ايضا لوحدة يعطي مفعول بس ماجربتة للأمانة بس يقولون يصفي مرررة

9- المحلب >> الظاهر انك خلطتي الشعر مع البشرة هههههههه اسمع عن فائدة مع الحنا للنعومة للشعر والله اعلم

10- الرز المطحون >> اذا خلطتية مع بياض بيضة رائع ويشد مرة

تحياتي لك غاليتي ارجو ان اكون افدتك
:26:

والله ضحكيني يا Honest

ما خليتي عباااااس على دباااااااس الا وحطيته

ما دام انه طبيعي ما يضر يالله جربي واحنا في الانتظار

هلا اختى حبيبتىىى تصدقيييييييين انا ساعات تييلى هالحاااله احط عباااس على دباااااااس واحط على ويهى على جسمىىىىى ....... شوفى حبيبتىى اذا نفعت عليج انشالله قوليلنااااااااااا عن نتااااايج والله يوفقج انشالله .......:17: :26: :24: