خلطتي العجيبه

مشكوره اختى على الوصفه

الله يجزاك خير قلبي بس لفت نظري الرمان وش فايدته؟؟

جزاك الله خير

ونخلطهم مع بعض

فهالاثناء نكون مجهزين ماي حار بس مو وايد ونصب شوي شوي لين نلاحظ ان الخليط صار بقوام خليط الكيك يعني لا ساااائل ولا ثقيل ونتركه شوي



اللحين بنبتدي نظيف الزيوت وانا ماقيدج بزيوت معينه اذا انتي عندج زيوت معتمدتها لجسمج ممكن تظيفينها بس اتوقع ان هالزيوت موجوده عندنا كلنا وجربناها والكل مستفيد منها
المقدار هو ملعقة طعام كبيرة ومملوئه من
زيت اللوز المر + زيت اللوز الحلو + جلسرين + زيت جنين القمح وومكن زيت زيتون بس انا ماكان عندي
ونحركهم لين يمتزجون مع الخليط






اللحين نظيف ملعقة طعام كبيره مملوئه من
(حبة سودة مطحونه خشن ومخلوطه مع عسل)
هاذي الله يسلمكم انا استخدمها كماسك وسكراب للويهي والله يابنات رووووووعه تخلي خدودج وردييـــــن وبشرتج ناااعمه وصااافيه



ونخلطهم عدل مع بعض وبتكون بهالشكل



اللحين نعبي خلطتنا في علبه مغسوله وجافه ونسكرها لوقت استخدامها





اللحين شلون نستخدمها ؟؟

انا بالمره مااااحب اتقيد بطريقه وحده بس عموما انا استخدمها من بعد ماتفرك من الصابون المغربي احطها كماسك وبعدين اغسلها بالمفراكه عالطاير و لج الحريه تستخدمينها بأحد هالطرق من بعد ماتكونين ماخذه شاور دااافي :

1. تاخذين الكميه المناسبه اللي تغطي جسمج وتخففينه بشوية ماي اذا حسيتي ان الخلطه ثقلت وتنتظرين 10 دقايق او اكثر براحتج وتتفركين بالليفه المغربيه او الليفة القفاز وانا افضل القفاز.

2. تاخذين مقدار منها وتخلطينه مع عصير ليمونه / برتقاله فرش وتوزيعنه وتنتظرين وتتتفركين.

3. تخلطين الكميه اللي تبينها مع قليل من ماي الورد والباقي تعرفونه.

4. تخلطين مقدار متساوي منها ومن الصابون المغربي والباقي تعرفونه.

5. تاخذين مقدار منها وتخففينه بماي دافي في علبه او مله يعني كأنج مسويه صابون سائل وتغطين الليفه فيه وتفركين جسمج لين تخلصين كل المناطق تغطين وتفركين وانا اسوي هالطريقه اذا مستعيله ومابغي انتظر ولا اطول.

وهذا الصابون المغربي اللي استخدمه



وهاذي خلطلتي مع الصابون المغربي من داخل



بعد ماتشطفين جسمج بماي فاتر جريب للبروده غسلي جسمج بشاور جل تحبين ريحته او صابون دوف السائل (بالليفه الناعمه المدوره) واذا حابه تعطرينه بأي زيت عطري تحطين منه نقطتين براحة يدج وتوزعينه على جسمج بحركات سريعه وعقب ما تطلعين من الحمام رطبي جسمج باللوشن او الكريم اللي متعوده عليه او بأحد الزيوت اللي ذكرتها فوق لأنها وايد ترطب وتغذي البشره وتفتح لونها.

واذا لاحظتو انا استخدمت بعض الاشياء اللي ذكرها لنا رسولنا صلى الله عليه وسلم او اللي انذكرت فالقران الكريم مثل
( السدر والحبه السوده والعسل والرمان) << خلوهم مكونات اساسيه في خلطاتكم

ملاحظه >> الفرك يابنات يكون بحركات دائريه من غير دفااااشه بتخربين بشرتج اذا ظغطي بقوه وحكيتي وايد بالليفه

وبث

اتمنى تجربونها او تجربون جزء منها صدقوني بتلاحظون النعومه والبياض مع الاستخدام

ولاتنسوني بدعاوتكم

اختكم

يحفظك ربي

ماشاء الله تبارك الله جنااااااااااااااان ونظافه روعه