خلطتي العجيبه تخلي شعرك جنان حرير ويلمع من غير سشوار

مرحبا يا حوات كيف حال الجميع ...........اكيد فل انشاء الله واحلى من العسل
مابغ اطول عليكم لانو خير الكلام ما قل ودل المهم ابغ اوصفلكم وصفه رهيبه للشعر اخذتها من كتاب قديم وتصدقون انو الاشقر كمان عرضها في وصفاته صراحه رهيبه وعجيبه المفعول للشعر تخليه حرير من غير سشوار الحمد لله انا شعري ناعم بس لما حملت اهملته وانا اصلا مسويه هاي لايت وتعرفو كيف الميش يخلي الشعر يحرقو يعني يبغالك على طول حمامات زيت بس انا اهملته فترة الوحم بشكل موطبيعي لدرجة انو سار ناشف وخفيف وباهت بلا لمعه بس لما استخدمت الوصفه سار يجنن منظره صحي ويلمع ومره ناعم من غير سشوار والخلطه هي :
زيت زيتون
ملعقه ونص خميره
ملعقه نشا
قليل ماء
الطريقه : دفي زيت الزيتون طبعا الكميه على حسب شعرك وبعدين اخلطي الخميره والنشاء مع قليل ماء حتى تسير زي الكريمه بعدين حطيها على الزيت واخلطيها وادهني شعرك مزبوط من الجذور للاطراف طبعا الزيت يكون دافيء عشان يستفيد الشعر من الخلطه ولفي شعرك بمنشفة دافيه
بس وخليه 3 ساعات او اكثر زي ماتبغي صراحه ريحه الخميره مي حلوه بس استحملو بعدين اغسو الشعر مزبوط حتى تتاكدو انو نظف من الخلطه ممكن تحطو بلسم عشان يعطر الشعر
ولا تخافو راح تروح الريحه اذا نشف الشعر لانو الريحه تكون واضحه لما يكون الشعر مبلول بس اذا نشف تروح لا تدققو بعدين اذا نشف سو حمام زيت صراحه مره ريحته حلوه الي مكون من جوزه الامازون وخليه ساعه بعدين اغسليه بالما بس وشوفي شعرك كيف يلمع وزي الحرير ما يحتاج تسشوريه وصراحه الكل راح يلا حظ جمال شعرك وحيويته
يالله جربو الخلطه وقولولي ايش رايكم وياريت دعوة حلوة انتظر النتايج وانشاء الله تبشر بالخير