خلطتي لأنبات الشعر بإذن الله

مرحبا....
أول شئ أنا ماأعرف أسوي مقدمات...فسامحوني إذا كان كلامي مهوب مرتب
أنا شفت كلام الأخت.. الزاحفه.. في موضوع عن الحنه وكانت تبي خلطه حنا للتكثير..وكلامها هو اللي شجعني أقول خلطتي
أنا من زمان موجوده فالمنتدى بس والله استحي إني أكتب موضوع أو أرد وهي مره وحده اللي رديت فيها لأني حسيت لو ماقلت اللي اعرفه بااضر اللي تسأل..مع إني أستفدت منكم كثير الله يجزاكم ألف خير يارب..
حبيباتي
أنا سويت دايت وطاح شعري بشكل فضييييييييييع لدرجه من قدام فاضي ونفسيتي تعبت ماأطلع ولاشئ وأنا أدرس فالجامعه كنت اظطر اني من قدام اغطيه باي شئ او احط بودره سوداء علشان اغطي المنطقه وقعدت فتره طويله استخدم خلطات و اعالج في مستشفى ومافاد ولاشئ لدرجة اني فقدت الامل بس مره خالتي الله يجزها خير قالت لي عن الصبار وانا صار عندي شوي خبره فالخلطات
فسويت خلطه للحنه واستخدمت الصبار والحمدلله ومشاءالله تبارك الله ولاحول ولاقوه الابالله نبت لي شعر من قدام وفراغات كثيييييييره تغطت وشعري باقي له شوي وتتغطى كل الفراغات
انا باقولكم خلطتي والاشياء اللي استخدمتها ومابي الا انكم تدعون اني ربي يفرج امري
عيوني انتم جيبوا لكم صبار من المشاتل والافضل انكم تسألون صاحب المشتل عن أحسن صبار للشعر والاصيص الكبير حق الصبار قيمته 10 ريال وخلوه عندكم ومرتين في الاسبوع اقطعوا لكم وحده واغسلوها وافتحوها عالجنب وطلعوا اللي فيها بالملعقه وحطوه على شعوركم ومتى ماتبون غسلوه وحتى لو نمتوا فيه عادي
وخلطه الحنا مره فالاسبوع
اغلوا بصله بقشورها وثوم قطعوه وحلبه وخلوه لين تصير مويته صفراء وصفوها وخذوا المويه
اخلطوا حنا مع سدر مع محلب مع حبه سوداء مطحونه وقرفه مطحونه وقرنفل مطحون ومراميه مطحونه وسنامكي مطحون وبالكميات اللي تريحكم
وخذوا حبه صبار وخذوا اللي جوا وحطيه فالخلاط علشان يكون سايل مره وحطوه مع الحنا وعصير جرجير انتم اعصروا الجرجير
واذا عندكم كثره حطوا منها ملعقه مطحونه واذا مافيه عادي انا مو دايم احطها
وزبادي وعسل واي زيت يريحكم واوقات احط سفن اب(يفرد الشعر)
وجيبوا 3او4زقاير وخذوا التبغ حقها واطحنوه وحطوه مع الخلطه واعجنو بالمويه الصفراء وخلوها تخمر اقل شئ4ساعات وحطوها على شعوركم 8ساعات
واغسلوه بمويه بس وثاني يوم سوو حمام زيت مكون من زيت جوز الهند بارشوت وكيشور بس الكيشور تكون كميته قليله وسخنوه شوي وحطيوه على شعوركم وجيبوا منشفه دافيه وحطوها على شعوركم لين تبرد وغطوا شعوركم وخلوا الزيت ساعتين بعدها غسلوا بشامبو بيبي جونسون ونصيحه خلوا بيبي جونسون هو الشامبو تبعكم دايم لاكيماويات ولاشئ يضر
وان شاءالله بإذن الله شهر وتحسون بفرق بس اهم شئ تتوكلون على الله بقلب صافي وبكل مافيكم وتمشون على نفس النظام بدون زياده او نقص
واللي تجرب هالنظام وتستفيد لاتنساني من دعائها واي سؤال أناتحت أمركم
والله يحقق لكم كل ماتبون..
واعذروني لأني طولت عليك........