خلطتي للزيوت +خلطه حور الجنان 1 الله يجزيها الخير

السلام عليكم
اشحالكم ..؟

حبيت احطلكم تجربتي من الخلطات اللي استعملها لشعري بس قبل لا تستعملين اي شئ
لازم اتقصين شعرج اشوي من تحت عشان يكون مستعد لنمو يعني لانه ما يستوي تحيين شئ و هو ميت
الشعر اللي تحت ميت فلازم اتقصينه و لا ما بتنجح خلطاتج للشعر ..و حاول كل 3 او 4 شهور اتقصين لو عقله من طرف شعرج ..
ما بطول عليكم ..

بقولكم برنامجي ..

اليوم الاول

خلطه الزيوت

اليوم الثاني و الثالث و الرابع

خلطه حور الجنان 1

اليوم الخامس

خلطه الزيوت

اكيد فهمتو الجدول ..يعني يوم للزيوت و 3 ايام لخلطه حور الجنان 1
خلطه الزيوت متكونه من ( زيت دابر املا + زيت الخروع + زيت اللوز +حبه السودا مطحونه " و ممكن تستبدلينها
بزيت الحبه السودا ")
كل ما يتي اتحطين الخلطه خظي العلبه عشان تختلط الزيوت و حطي على شعرج من ساعتين إلى 3
و بتلاحظين انه شعرج يطول بس النتايج تظهر بعد شهر لانه مش تقصف او تساقط بتلاحظين عليه خلال
اسابيع او ايام ..

الحين خلطه حور الجنان 1

الخلطه متكونه من ( ملعقه كبيره من القهوه العربيه او التركيه " و انا حطيت التركيه " +ملعقه كبيره من الشاي الاسود " طبعا هو الاحمر نفسه " +كوب و نص ماء)

نغلي كل هالمكونات مع بعض و انصفيها و انخليها تدفى اشوي و بعدين حطيها في بخاخ للشعر و رشي على
شعرج و انا اخلى الخلطه من الساعه إلى الساعتين
و الله حق حور الجنان 1 كاتبه انخليها 5 ساعات بس انا ما اقدر اصبر هالمده كلها بس مع كذا لاحظت النتيجه
طبعا النتيجه بانت بعد رابع مره استعملته التساقط خف وااااااااااااااايد قبل ما كنت استعمل الخلطه كنت انظف
المشط مرتين من كثر ما كان يتساقط شعري اما احين و الله يادوب 3 إلى 5 شعرات في المشط من غير انه اعطت شعري لمعان و اتحسين انه فيه حياه ..
الله يجزيها الجنه ان شاء الله ..

و انا بعد ما استعمل خلطه الزيوت او خلطه حور الجنان 1 بعد ما اغسل شعري احط في بخاخ صغير للشعر
(ماء الورد +ماء عادي +ملعقتين صغار من الكريم اللي تستعملينه" و انا حطيت كريم باراشوت الازرق)
و رشي على شعرك هاي الخلطه اتخفف من ريحته الخلطه اللي كنتي حاطتنها قبل و اتسهل التمشيط بعد
و تعطي ريحه حلوووووه لشعرك..

و هذا هو رابط موضوعها
http://forum.hawaaworld.com/showthread.php?t=1482577

وكل خلطه تستعملونها يبغيلها صبر و لازم تستمرين عليهاو هذي تجربتي ..