السلام عليكم ورحمة الله وبركاته
انا عضوه جديده هنا اتمنى تقبلوني اخت بينكم>>>>>>>> :)
حبيت افيدكم بتجربتي مع شعري والله يابنات كان :09: يفشل مع انه ناعم :44:
بس مره من المرارير وبينما كنت افرفر بالمنتدايات >>>>>>وش عندها الاخت
لقيت وحده اماراتيه حاطه خلطه لشعر كانت تبيعهااا وانا ماصدقت >>>>>>>>> :32:
فريره واروح اشتري الزيوت واخلطهاا وفعلا من نص الاسبوع الثاني وشعري يتغير :2thmup:
وعلى فكره كميتهااا كبيره انتي تقدرين تسوين الكميه اللي تناسبك وهذي تعليمات صاحبة الخلطه
التعليمات :
لازم تحطون الخلطة اول اسبوع بشكل يومي
ساعتين - 3 يوميا بس لكم يالكبار
وساعة - ساعة ونص بس يوميا للبنات الصغار
هالاسبوع علشان الفروة تتنظف عدل من الشوائب وتتغذى تغذية صح من الزيت
وفي الاسابيع الباجية تستعملونها بنفس عدد الساعات
لكن 3 مرات في الاسبوع بس
وهالاسابيع الباجي علشان يستفيد الشعر من الزيت على هداوة ورواق وما تتعبين عمرج ولا تملين يوميا
لأن لو صار الشي روتيني ويومي بتملين
وبتشوفون النتيجة بالنعومة واللمعة من اول استعمال
ونتيجة انبات الشعر وتطويلة بتبدي معاكم من ثاني الى ثالث اسبوع
ولو عندج قشرة بتوقف من اول اسبوع
كلوحدة وحسب طبيعة فروة راسها
الحين :
طول فترة اللي تستعملين فيها الزيت لازم تسوين التالي :
1- ممنوووووووع تمشطين شعرج واهوا مبلول
لأن البصيلات بتكون مفتوحة ومتوسعة بفعل الماي الحار فراح تطيح الشعرة وجنه العيد ( بسهولة ) .
2- لما يكون شعرج معقد ومتشابك دايما تمشطين اللي تحت وتفككينه بعدين تصعدين لي فوق وتمشطين .
3- الزيت ممنوووووووووووع تنامون فيه ولا ترى بييب نتيجة عكسية ويطيح الشعر بدل لا يتقوى .
4- لو بتحطين بلسم لاتحطينه على جذور الشعر مباشرة
فركيه بايدج ودهني فيه الشعر من بره واطراف الشعر لاتدهنين الفروة بالبلسم .
5- دايما لما تغسلين شعرج وتخلصين فتحي الدوش على الماي البارد ورشي على راسج
علشان تنكمش المسام وتتسكر .
هالزيت يكفيج تقريبا شهرين الى 3 اشهر ويمكن اكثر لو التزمتي بطريقة استخدامه
وانا زودت لكم المقادير لأن ادري فيكم كسالى ومالكم خلق كليوم تسوون الخلطة لوووووووول
وطبعا تحاولون تدورون برطمانات زجاااااااااااااااج
مو اي نوع ثاني
زجاج بس لأن البلاستيك بيفرز مواد تضر الزيت مع الوقت وطول مدته
الحين مقادير الزيت ( كلها تلقينها بالحواي ) :
1- ...................كوب زيت الحبة السودا ( حبة البركة ) .
2- ...................كوب زيت الجرجير .
3- ...................نص كوب زين باراشوت الازرق السائل .
4- ...................7 ملاعق زيت خروع .
5- ...................7 ملاعق زيت لوز .
6- ...................ملعقتين طعام من بذور حبة البركة المطحونة طحن ناعم .
7- ...................ملعقة طعام حلبة مطحونة ( ماراح تبين ريحتها نهائيا ) .
8- ...................ملعقتين طعام سعتر مطحون .
9- ...................ملعقة طعام حرمل مطحون طحن ناعم .
10- .................ملعقة طعام بذور سفرجل مطحونه .
11- .................فصين ثوم مهروسين ومحموسين الى ان يصير لونهم اشقر .
12- ................. ملعقة طعام سدر مطحون .
( لاحظوا المقادير مافيها زيت زيتون )
لاتحطون زيت زيتون لأن ينشف الشعر حتى لو مفيد بس ينشف الشعر وحار على فروة الراس
تخلطون المقادير كلها مع بعض وتخلون الزيت يتخمر اسبوع في مكان مسكر ( لا بارد ولا حار )
ولما تبون تستعملونه لايكون تحطونه بالثلاجة ترى انا بعدين مالي شغل لو ماياب نتيجة
ولا تحطونه في مكان حار
خلوه في حرارة الغرفة لأن هالدرجة راح تكون مناسبة لفروة راسكم اولا
وبعدين ماراح تخرب الزيت.
المهم
الاستعمال :
اولا : تسوين مساج حق راسج لمدة دقيقتين او 3 .
ثانيا: تاخذين قطنة وتغمسينها بالزيت وتفركين فيها فروة راسج ( مو تصبين الزيت بايدج وتغرقين شعرج )
بس بقطنة مغموسة بالزيت وتفركين الفروة بسراح تكون كافية هالحركة.
ثالثا : تاخذين شوية زيت بايدج وتفركين اطراف شعرج على شان التقصف يروح وينعم .
رابعا : حقكم انتوا يالكبار تحطونه يوميا من ساعتين الى 3 ساعات لا اكثر ولا اقل وبعدين تغسلون شعركم عادي,
حق البنات الصغار تحطونه من ساعة الى ساعة ونص وبعدين تغسلونه عادي.
خامسا : يفضل انكم تلبسون قبعة نايلون علشان لا ينشف الزيت بسرعة ولا يحوش راسكم هوا .
سادسا:
سبوح الهنا ياريتني كنت انا لوووووول
النتيجة المبدئية المرضية بتشوفونها بعد شهر باذن الله وكلما طولتي باستعمال الزيت كلما زادت الفايدة طبعا
لاتنسون التغذية
( جرجير- خس-فلفل اخضر بارد- فلفل اخضر حار- بهارات- ماكولات بحرية- فيتامينات خاصة بالشعر )
ترى تفاعلها مع استخدام الزيت وايد حلوة وتمام التمام
انا جربتها على نفسي واستفدت
شعري طال بشكل كبير وسريع
ومن ثاني اسبوع من الاستعمال بديت احس بمنبت الشعر الصغير صوب يبهتي .
منقول
Ro0o7y @ro0o7y
عضوة جديدة
هذا الموضوع مغلق.
ليلة غاب القمر
•
شكرا على الخلطة يالبي يسلمو ................... تهئ تهئ تهئ طويلة وانا اعاد نشيطة مرة بس الازم التحدي بس الامارت شعور بناتهم ماشاء يوم يرقصن بالفيديو كليبات الامارتية ....... بس عيني تبي تطلع على الشعور خخخخخخ عين قوية خخخخخ
bérbére
•
شكرا على الخلطة00 هل بدور السفرجل تحمس على النار اولا قبل الطحن و لا عادى تطحن من دون تحميس
Ro0o7y
•
يسلموووووووووو حبيبات قلبي على المرور
ليلة غياب القمر والله بذي صادقه شعورهم تجنن بس يالله اللي يبي الزين يتحمل و****لله عقبال ماتصير شعورنا احلى منهم >>>>>>>>>> ياااااااااااااربي امين
وبالنسبه لسفرجل انا حمسته وطحنته احسن لان وحدهمن البنات قالت لي اي شي بتحطينه مع الزيت احمسيه واناعاد مطيعه :27:
واي استفسار انا بالخدمه
ليلة غياب القمر والله بذي صادقه شعورهم تجنن بس يالله اللي يبي الزين يتحمل و****لله عقبال ماتصير شعورنا احلى منهم >>>>>>>>>> ياااااااااااااربي امين
وبالنسبه لسفرجل انا حمسته وطحنته احسن لان وحدهمن البنات قالت لي اي شي بتحطينه مع الزيت احمسيه واناعاد مطيعه :27:
واي استفسار انا بالخدمه
الصفحة الأخيرة