مرحبا بنات
اكيد تذكرون الخلطه اللي نزلتها اللي انظف فيها السيراميك وارضيات الحمام والمطبخ
وان شاء الله طبقتوها واستفدتوا ... الان هذه خلطه جديده ورائعه بكل ماتعنيه الكلمه
لانـــها :
تنظــــف
تلمـــــع
تعقــــم
ريحتها روعـــــه
الخلطه هذه للطاولات الخشب والزجاجيه والتلفزيون وافياش الكهرباء ويد الابواب وخشب السرير والتسريحه والكمودينه ...
واحلى شي فيها انها تعقم ...
طبعا المقادير تحطينها في علبة بخاخ كبيره انا صلحت علبتين علبه تبع بخاخ الافران لانها فاضيه ومارميتها وعلبه شريتها من محل ابو ريالين بس الافضل العلبه الاولى يعني اذا عندك علبة بخاخ مثل مستر مسل او جف لاترمينها غسليها واستخدميها ...
الخلطه يا اخواتي تقيسينها بالبياله حقت الشاي
ونبــدأ :
بيالة شاي من الاتي /
1/ بياله كامله ديتول الاحمر مكتوب عليه برائحة الياسمين
2/ نصف بياله داوني الازرق
3/ بيالة سائل تنظيف الزجاج اللي هو جف او مستر مسل او اي نوع تحبين
4/ نصف بياله ماء عادي
5/ ملعقه كلوركس ((ملعقة الاكل ))
6/ نصف بياله مطهر الارضيات والمغاسل برائحة العود ((هذا اختياري بس انا دايم احط))
وتحطينهم كلهم بالعلبه وترجينهم زين زين وتبدئي تستخدمينه على الطاولات وعلى الدولايب والافياش وايادي الباب واي مكان
بس فيه ملاحظه : اللي ماعندها ديتول الاحمر عادي تحط اي نوع ديتول الاخضر او الاصلي او اي نوع بس انا هذا جربته واعجبني اكثر شي وترى بعد ماتمسحين فيه تحسين بالبيت ريحة نظافه حلوه ..
طبعا فيه معلومه مهمه / مناشف التمسيح او الفوط لازم تعتنين فيها وفي نظافتها لان لايمكن تطلع ريحة النظافه وانتي تستخدمين فوط او مناشف مو نظيفه مره او تغسلينها عادي
يعني لازم تكون المناشف نظيفه وتخصصين لكل شي منشفه
ايادي الابواب والافياش منشفه اي نوع
سطح الخشب من تسريحه ودولاب وطاولات .......الخ هذه تكون منشفه قطنيه انا استخدم تيشرتاتي القديمه او فنايل زوجي اقصها واخيط اطرافها واستخدمها واحط لكل وحده خيط لون علشان اميزها
الخيط الاحمر لغرفة نومي
الخيط الازرق للطاولات والاسطح وهكذا
وطبعا اغسلها زين بالتايد واحط لها منعم داوني او كومفرت
واذا نشفت ابخرها
وابدأ استخدمها وبكذا اضمن ان الريحه روعه غير النظافه والتعقيم
واتمنى تجربونها .. بجد روعه واوفر يعني تطول معك وكل ماخلصت تسوين غيرها بنفس الاغراض اللي شريتيها اول مره .......
ادعولي ربي يثبت حملي ويرزقني بولد معافى ....
أم عـــناد @am_aanad_4
محررة
يلزم عليك تسجيل الدخول أولًا لكتابة تعليق.
منيفةالغالية
•
تسلمين على هاالخلطات والله يعطيك العافية والف شكر جاري التطبيق
ورد..
•
يسلمو ياألبي والله يثبت حملك ويرزقك ولد حليوه ومزيون ويرزقني الذ ريه الصالحه
يخيتي وش ذا انتي مبدعه بالحيل عيني عليتس بارده
يخيتي وش ذا انتي مبدعه بالحيل عيني عليتس بارده
الصفحة الأخيرة