خلطه جناااااااااان ونتايجها سريعه

خلطه غريبه ونتايجها روعه لتفتيح وعلى مسؤليتي
________________________________________
بسم الله الرحمن الرحيم
اليوم يابنات بجيب لكم خلطه جنان وانا والله مدري اذا احد كتبها قبلي بالمنتدا بس الخلطه اثرت علي بشكل رهيب والله على ما اقول شهيد
مقادير الخلطه
علبه كبيره جلوسيليد الاحمر
علبة فكس صغيره
صابونة غار وحده مبشوره وتكون من النوع الاصلي اللي يجي مركعبه كبيره وعليها ختم مو واضح عادتن بس اضن ان صناعتها لبنانيه ولا بتكون صناعة حلب
ملعقتين كركم الجسم لازم كركم الجسم لان حق الاكل ماينفع ويسوووووود وتلقون كركم الجسم عند العطار او السوبرماركتات الهنديه مع قسم الكريمات التجميليه لان لهنود يستخدمونه بكثره
كوب كبير ماء ورد
فنجان قهوه جلسرين سائل الاصلي و زيت زيتون و زيت الخروع و زيت اللوز المر حق الجسم كل هذه الزيوت بقياس فنجان واحد


الطريقه
نضع الصابون المبشور ونضع عليه ماء الورد من الليل حتى الصباح حتى يكون الصابون طري ونقدر نخلطه مع المقادير
وبعدين نضع عليه كل المقادير موه وحده ونخلطها بالخلاط الكهربائي
وتوضع في علبه وتستخدم قبل الحمام بساعتين على الاقل واللي يقدرون يتحملونها يستخدمونها قبل النوم ويتحممون الصبح
وللي عندهم مناسبه يستخدمونها كل يوم لمدة شهر للعرايس وتشوفون النضافه والنضاره اللي يحبها قلبك


طريقة الحمام
تاخذين ملح وتعصرين عليه ليمونه وتفركين جسمك فيه لين ينضف من الخلطه وتفركينه فرك عدل واذا طلعتي من الحمام تنشفين جسمك حيييييييييل لان الماي اذا مانشفتيه يسبب سواااااد وبعدين تحطين اي مرطب عادي
وشرط الترطيب لان الخلطه تنشف شوي
وعلى فكره اذا تبين رجولك تلق من البياض تنعم حطي من الخلطه والبسي كيس نايلون عليهم وخليهم ساعتين وافركيها بملح وليمون وشوفي النضافه تقدرين تسوين الحركه ذي مع الجسم ولا باي وقت بروحها
وبنسبه للوجه حطي من الخلطه قبل الحمام بنص ساعه لانها قويه على الوجه ولا الرقبه عادي اذا طولت فيها




وعل فكره الخلطه هاذي تخفف من نمو الشعر فمبرووووووووووووك مقدما تدرون ليش لان فيها كركم الجسم وهذا معروف عند لهنود يسبحون بزارينهم فيه علشان مايطلع شعر