. خلطه سحريه رخيصه تخلي البشره صافيه من حب الشباب

انا عمري 22 سنة عانيت من حب الشباب من كان عمري 15 سنة ورحت دكاترة اخصائيين جلدية وتجميل وماخليت شي الا سويته من علاجات حبوب وكريمات وتقشير وجلسات لين مليت ماشي جايب نتيجة معاي وفي مرة انا جالسة اتابع برنامج على قناة اقرأ وكان برنامج والله مومتذكره اسمه المهم المذيعه قالت عن خلطة للبشرة للتخلص من حب الشباب وقلت في بالي اسويها وبالنهاية المواد الطبيعية اذا مانفعت مارح تضر باذن الله وفعلا جبيبتي جربتها والحمدلله من اول اسبوع حسيت بالفرق اول شي الحب الموجود ينطفي وثاني شي مايطلع حب جديد الا في فترة الدورة الاقي حبه او حبتين ومع الخلطه اول ميطلعون ينشفون مباشرة ومايتحملوا يومين على وجهي بس ولا هم مختفيين وانا للحين يوميا استعمل هالخلطة الي ولو انها بسيطة جدااااا الا انه مفعولها قوي جداااااا ورائع جدااااا

مابطول عليكم اكتر الخلطة هي عبارة عن:



- معلقة صغيرة من الترمس المر الناعم ( تشترينه مطحون جاهز من عند العطار)

- نص ملعقة صغيرة خميرة

- تخلطينهم باللبن (الروب) وعلى فكرة اللبن كل ماكان قديم شوي كل ماكان مفعولة اقوى



تخلطيهم لين يصير عندك كريم يثبت على وجهك وبعد متغسلين وجهك تمام وتنشفيه تحطينه هالماسك على كل بشرتك وتتركيه لمدة نص ساعه بعدين ترطبيه تفركيه بحركة دائرية خفيفة علشان يشيل معاه الخلايا الميته وبعدين تغسلين وجهك بالصابونه الي تناسبك انا بالنسبة لي استعمل صابونه العسل
استمري على هالماسك يوميا بالليل قبل النوم
بالنسبة لي بعد انا اتبعت هالخطوات مع الماسك

اولا: ابتعدت عن الدهون والمشروبات الغازية لأنها تخفز الخلايا الدهنية تكثر من الحبوب

ثانيا: احافظ على معدتي انها تكون دايما طبيعية ( يعني اذا كان في امساك حاولي عالجيه بسرعه) لأنه الامساك ايضا يحبس الدهون داخل الجسم وهالشي ينشر الحبوب اكتر.

ثالثا: بعد ماغسل وجهي من الماسك اتركه عشر دقايق يجف واستعمل كريم مقشر متل ريتين اي او اي كريم مقشر ومبيض علشان يعالج اثار الحبوب القديمة اذا كانت موجودة.