الخلطهبصل وثوم وزيت زيتون بالخلاط تشخلينهم وتحطينهم على شعرك وتسوين مساج للفروه لمده 10 دقايق بعدين تخلطين سدر وحنا (انا ماستعملت الحنا) وبيضه وشوي مويا وتحطينهم فوق البصل والثوم وتلبسين طاقيه البلاستيك
لمده ساعتينلي شهرين وانا استعمل الخلطه وحسيت شعري تغير
طال شوي ونعم كثير الحمدلله ولمعته مره حلوه ماشاءالله بس بعد ثالث استعمال حسيت انه الفروه مره ناشفه وتحك
وقاسيه شوي قلت يمكن ماناسبتني بس هي كلها طبيعيه بداوم عليها عادي وبعد خامس مره قلت بشوف المكان
الي يحك وش فيه كان شعري رطب فرقته بالنص والله يابنات من الصدمه الي جتني احس جسمي انتفض فيه شعر طالع صغير مره 
وعلى طول ربطت شعري قلت مابي ادقق خلاص وبعد ثامن مره والله المنابت طالت وبانت يعني الحمدلله تعبي ماراح على الفاضي ولان انا مستمره عليها كل اسبوع مره وبالايام الباقيه احط زيت العافيه منقعه معه حلب ومحلب
واذا على الريحه
اغسلي شعرك بنسكافيه وبعده حطي البلسم وبعدها بخري شعرك بمستكه 
بنات الفروه صارت قاسيه لانه شدت يعني الحمدلله وقف التساقط
...........................................,,,,,,,
خلطة تطوووول الشعر من اول استخدام
كل اللي شاف شعري سالني وعطيته الطريقه
وان شاء الله ماراح تندمون
النتيجه من اول استعمال مابالغ في هالشي
راح يطول شعرك ويكثف ويصير قوي وله لمعه تجننننننن
تخيلووا استخدمت الخلطه اربع مرات ومحد شافني ويوم رحت النادي وقعدت امارس الرياضه انفل شعري الكل تهبل عليه حتى المدربة الاجنبية ماتت عليه وسالتني عن الطريقه
واحلفلكم بالله جاتني بعد يومين تحبني وتقول اشكرك على الطريقه تقول عجيبه بينت معها من اول استعمال
ماراح اطول عليكم هذي هي الخلطه
تجيبين بصله متوسطه الحجم مقسمه الى اربع اقسام
2 فص ثوم مقسمين الي نصفين
3 ملاعق كبيره سدر مطحون
زيت خروع
زيت زيتون
كمية من الماااء
الطريقه
جيبي البصل والثوم وحطيهم في الماي وانتي حددي كمية الماي اللي تناسب شعرج وخلي البصل والثوم يغلي في الماي لين يصير لون الماي اصفر
بعدها صفي الماي من الثوم والبصل
وجيبي باقي المقادير (سدر،زيت خروع،زيت زيتون) واخلطيهم في الماي واعجينهم مثل عجينه الحنه لاهي سائله ولا جامده نص ونص وبعدها خليها لين تبرد شوي
وبعدين حطيها في شعرج بالمساااء وبالصبح اغسليه
راح تقولين ثوم وبصله وريحه ..الخ اوعدج وووعد انه ماراح تحصلين ولا ريحه انا نفسج قبل اجرب الخلطه خفت بس يوم جربتها مافيها ريحه ابد
وصدقيني بتلاحظين الفرق من اول استخدام
ويفضل تستخدمينها مرتين بالاسبوووووع لنتيجه اسرع