خلطه لزياده الحيوانات المنويه

اخواتى الحبيبات السلام عليكم ورحمه الله وبركاته......:)
انا عضوه جديده اشتركت فى المنتدى من فتره بسيطه زوجى يعانى من ضعف الحيونات المنويه ولان زوجى رفض الحقن المجرى فى الفتره الحاليه ,فما امامى غير الخلطات الشعبيه وكل ما قرات فى المنتدى عن خلطه اشتريت اشياها وجلست اتخانق مع زوجى حتى يبدا فيها ثم كل يوم موال حتى يكملها ويستمر عليها:( بس الله المستعان.
ما ابغى اطول عليكم هذى الخلطه سمعتها من صديقه ليه زوجها يعانى من نفس المشكله وهى الله يعافيهم ويعافينا عندها لخبطه فى الهرمونات بس ما اعرف بالظبط اى هرمون المهم بتراجع عند د حسان عبدالجبار عندنا فى جده وتقول انه هو اللى ذكرلها هذى الخلطه وان احد الدكاتره بيعمل بحث عليها المهم الخلطه بسيطه جدا ومكوناته معروفه وكل اللى ارجوه منكم انكم تدعولى وتدعولها بان يجعلها الله فى ميزان حسناتنا جميعا(على النقل )ويرزقنا الذريه الصالحه المعافه عاجلا غير اجل..
الخلطه هى (4 فصوص ثوم تدقيها وتخلطيهامع معلقه صغيره (ملعقه الشاي) حبه سوده مطحونه وملعقه صغيره قرنقل مطحون(هو نفسه العويدى او المسمار) وتضيفى عليه فنجال (فنجال الشاى الصغير) عسل اصلى وهو اهم شى فى الخلطه لازم يكون اصلى وفنجال صغير(نفس مقدر العسل)خل تفاح وياخذ منه 3 ملاعق يوميا بعد كل وجبه واذا خلص تسوى مقدر جديد . صحباتى هذى زوجها استعملها وحلل بعد شهر بحول الله وقوته ارتفعت عنده الحيونات ماشاء الله الى مليون حيوان منوى:icon28: والحمدلله ولا زال مستمر عليها .
انا اشتريت كل المكونات وعملت الخلطه بس للاسف:icon33: زوجى رفض يستمر عليها رغم حاجته الماسه لها لمراره طعمها:09: والله ما جدلته كالعاده لان طعمها فعلا مر ما ادرى اذا نقصت الخا مثلا ما حيعطى نفس الفايده او لا:16:
اخواتى حبيت اقولكم يمكن تجربوها باذن الله وتستفيدوا منها وتفرحونا والله يرزقنا جميعا الذريه الصالحه