كوبونات الراقية تسجيل الدخول

^,,smart girl,,^

^,,smart girl,,^ @smart_girl_5

محررة ماسية

خلطه ماحصلتش .. ماهي بصاحيه !!

العناية بالشعر •


بسم الله الرحمن الرحيم ..



صلوا على النبي يابنات ..


ياحلوات حواء عندي لكم خلطه ( تطويل ((وتبييض)) الشعر ) وأدري راح تستغربون منها لكن كملوا موضوعي للأخير وأنتم تعرفون السر بالخلطه العجيبه هذي ..:p


مقاديرها /

4أكواب قاز
17 بيضه
زيت خروع
زيت اللوز
4 علوك معلوكه<<<<:eek:
جلسرين
فازلين
كوبين كلوركس

طريقة الإستخدام /

تحطينهن بغسالة الملابس الصغيرة وتدخلين راسك فيها وتخلينه شوي لين ينخلط..

(وإن) طلعتي حيه خوذي مقدار غضاره من هالخلطه وتبخري فيه <<< شلون تجي ,, الله أعلم

(وإذا ) نجيتي منها صلّي راسك على الدفايه وتدفي عن البرد.. :23:<<< وأفلقيني أن أصبح الصبح عليك من بكره خخخخخخخ

:11retcher

<<< ماسبق خلطه من إختراع أخوي كنا نسولف عن العيال اللي يدخلون بالمنتدى بأسماء بنات ويضحكون على الحريم بخلطات ماتنفع إلا لشعورهم المعرعره المشهبه وياليتها معقولة .. إلا كلها خرابيط بخرابيط ,, وقال هالخلطه وسألني إذا تنفع وإلا لا ؟

الي أعنيه هو الخلطات الللي يكتبونها المختفين بأسماء بنات بالمنتدى ويضحكون على بعض الحريم فيها ..

واللي مستغربه منه شلون الحريم يصدقونها مدري ؟؟:024:


وتجيكن هالمسكينه وتجيب الأغراض كلها وزوجها يحسبها جايبتها للمشب وإلا منظفات للبيت وهاتك ياتلطخ بهالشعرتين <<< تبي الزين وش تسوي ؟؟
وبالنهاية لو خربت الخلطه شعرها ودمرته لها تدعي على صاحبة الخلطه بالويل والثبور وآخرتها ترد الأخت ( الولد المختفي بإسم بنت ) وتقول : أعذريني يا أختي بس أعتقد الخلطه ماناسبت شعركـ <<< ويادار مادخلك شر:S_45:

وماسكين هالعذر عشان يضحكون على المسكينات اللي يصدقونهم ..:crap:

لا ويزيد الطامه بخويه ( ولد آخر مسجل بإسم بنت ) يرد بموضوعه يتشكره ويدعي له بأن الخلطه ناسبتـ(هـا ) وطولت شعر(هـا ) <<< وتكمل السالفه ببعض العضوات الله يهديهم .. معاهم معاهم عليهم عليهم ولا تفكر بعقل عن محتويات الخلطه بس شافت ثنين عفوا ً ثنتين مدحوها وقالت أكيد زينه ..

ياحلوات ,,

يشهد الله أن لكم غلا بقلبي وودي أفتش على كل أسم وأنخش العيال وأعطيهم ديليت مرتب وأسجنهم وأجلدهم وأنتف شعورهم عشان يتأدبون ,, :mad:

بس ما باليد حيله وقلت أنبهكم وأفتح عيونكم.

يابنات الخلطه اللي كتبتها فوق مو عشان أستهزء فيكم أو أخليكم تجون ركض على موضوعي ..

الخلطه تراهي خربووووطيه مهو تنقز لي وحده تقرا بالشألوب وتحطها وتجيب العيد ثم تجيني من الدعاوي اللي تقصف عمري ..:09:

حطيت لكم الخلطه عشان تحذرون من العيال اللي يجيبون خلطات تكويناتها غريبه وأي وحده تشك بخلطه تسأل أهل الإختصاص ( دكتورة أو خبيرة أو حتى وحده من خوياتها لها خبرة بالخلطات ) وإذا شكت بالخلطه تسأل صاحبه الموضوع عن أشياء بالخلطه هي شاكه فيها.

أما العيال ربي حسيبهم والله بيجازيهم على اللي سووه بالحريم الضعيفات ..:44:

أنا ماحبيت أدخل وأستفيد من الخلطات وبدون ما أفيدهم أو أنصحهم نصيحه لوجه الله ..

ولاهنتوا أرفعوا الموضوع عشان الأخوات الثانيات يستفيدون منه ولايضيع بين الصفحات !!


وبالنهاية /

من تبدأ معاي بالخلطه من بكرة خخخخخخخخخخخخخ <<< نحاسه


إن أصبت فمن الله تعالى و إن أخطأت فمن نفسي والشيطان .. أستغفر الله لي ولكم !!
49
3K

يلزم عليك تسجيل الدخول أولًا لكتابة تعليق.

تسجيل دخول

الست ماما
الست ماما •
صح لسانك ياعسل...............لكن فيه حريم تلاقينها من شدةمعاناتها ......صارت مثل الغريق اللي يتعلق بقشه.......؟؟؟؟؟؟؟؟؟ وماتنتبه وش مكتوب؟؟؟؟؟؟؟؟؟؟؟؟؟
صـح × خطـأ
صـح × خطـأ •
صادقة ورب البيت .. الله لايربحهم .. ويربحهن

لأن بعضهن يبن الدمار للبنات ..


جزاك الله الفردوس
^,,smart girl,,^
^,,smart girl,,^ •
الست ماما ..

صح بدنك ياقمورة .. بس حتى لو كانت تتعلق بقشه مايمنع أنها تفكر بالمكونات اللي بالخلطه وتميز الصح من الغلط ..

يسلم لنا مروركـ ياعسل ..


صح x خطأ ..

والله أنهم ماراح يفلتون من عقاب ربي .. حسبي الله عليهم ..

مشكورة على مروركـ ياقمورة !!
هناءنت
هناءنت •

رووووووووووووووووووووووووووووووعه ما شالله عليك شكل مايجب شعري الي هي جاري الطبيق خخخخخخخخخخخخخخخخخخخخ