خلطه مره عجيبه للشعر

السلام عليكم ورحمة الله وبركاته
احب اكتبلكم عن خلطه للشعر صراحه مره عجيبه انا جربتها وسويتها لي اسبوعين بس ولكن النتيجه بانت من اول مره وكل الي قلتلو عليها جربها ومره عجبتهم فحبيت افيدكم زي ما افدتوني الخلطه قالها الدكتور يوسف الزين الي في برنامج عيشو معنا اكيد عرفتوه يجي في قناة ال بي سي اختصاصي اعشاب المهم قال الخلطه تنبت الشعر لكن انا لاحظت بانها توقف التساقط وصراحه لما اعملها شعري يصير كانه مسشور طبعا سشوار على خفيف بس بصراحه انا اعاني من التساقط ترى ماصار شعري يتساقط زي اول يعني ثلاث اربع شعرت المهم التساقط خف معليش طولت عليكم لكن بس حبيت اشرح لكم التجربه نجي للخلطه وهي عباره عن
المقادير
زنجبيل اخضر (طازج)
وزيت سمسم
وملعقه صغيره عصير ليمون
مقادير الزنجبيل والزيت متساويه
الطريقه
نعصر الزنجبيل في عصارة الجزر بعد تقشيره ونفس كمية العصير نحط زيت سمسم ونحط ملعقه صغيره عصير ليمون ونخلط الجميع مع بعض جيدا الى ان يتجانس الجميع وبعدها نحطه على شعر مع تدليك الفروه باطراف الاصابع برقه مو فرك وبس خليه على شعرك ساعه ساعتين زي ما تحبي واغسليه عادي وانشاءالله راح تشوفي النتيجه من اول مره بس طبعا داومي عليها مرتين في الاسبوع . جربوها وقلولي بالنتيجه ماراح تندمون ابدا
وشكرا لكم دعواتكم بان الله يحفظ زوجي واولادي واهلي وجميع المسلمين