خلطه نفعتني (للزيوان)

اخواتي السلام عليكم ورحمة الله وبركاته
اولا بقول لكم نوع بشرتي علشان كل وحده تعاني من نفس المشكله تتشجع وتجرب القناع هذا والي اخذته من المنتدى بس تعذرني صاحبة الموضوع ما ني متذكرتها لأني قرأت الخلطه هذي كذا مره.
بشرتي دهنيه في منطقة الأنف وحوالينها وفيها مسامات واسعه ولمن احط المكياج يطلع فيها زي القشور وطبعا فيها المشكله الكبيره وهي الرؤوس السوداء الي يطلع شكل وجهي مو نظيف حتى وانا غاسلته
جربت لها البيوريه والي كان مكلف وغير عملي .وهداني الله لخلطة (( الترمس المطحون انا اشتريه واطحنه +ماء ورد ))
اخلطها مع بعض واحطها على كل الوجه وأخليها ثلث ساعه حتى تجف ثم اجيب الفاين وابدى امسحها بحركه دائريه وطبعا الخلطه بتصير ناشفه وهذا افضل حتى تقشر الجلد والزيوان وبعدها غسلي وجهك بمويه وتعالي شوفي النعومه في خشمك بالذات واستمري عليها يوم ايه ويوم لا وهذا غير الصفاء حتى لون البشره متورد والله على ما أقول شهيد
ياريت الي تستفيد تدعيلي ان الله يهديني ويجعل الحلم من طبعي ويسخر لي زوجي ويكفيني شر الحاسدين << كني كثرت الطلبات
ودي بعد الي تفيدها تخبرني علشان افرح لها
وتقبلوا فائق احترامي