خلعت ضرسي وياليتني ما خلعته

السلام عليكم ورحمة الله

يوم الربوع اللي راح رحت لطبيبة اسنان عشان تكشف على ضرسي اللي ما بقى منه الا ماتحت اللثة متآكل
وست اشعة وقالت نظيف بس مقسوم نصفين يعني ماينفع فيه غير الخلع ...
قلت طيب اعطيني مضاد وبعدمس ايام اجيكي وتخلعيه قالت لا مايحتاج شوفي الاشعة نظيف ومايحتاج مضاد قبل الخلع ...
قلت خلاص توكلت على الله ..... وخدرتني بابرتين بنج وخلعته بصعوبه ...
رحت البيت ونزف عليا يوم كامل مع الم لايطاق ....واليوم لي ستة ايام لا ليلي ليل ولا نهاري نهار ....
راجعتها قبل يومين وسوت اشعة وقالت مافيه شي بس ملتهب انتي يمكن لعبتي فيه ...
قلت لا لعبت فيه ولا شي ....قالت خدي ابر فولتارين كل 12ساعة ....طبعاً اكره الإبر ولا أخدتها .....ورحت لعيادة ثانية ونفس الكلام وسوى اشعة قالي سليم وبعدين سوى لي غسيل ....وقال استمري عالعلاج ....
وامس رحت اخدت ابرة ماقدرت اتحمل .... وارتحت ونمت الحمدلله ورجع الوجع وماسك برقبتي كمان .....
وطالع تورم خفيف وزي الحبة بيضا من الطرف ..والله جنني الالم ولارحت الدوام واتأخرت بالمناهج .....
وصايرة حياتي مقلوبة فوق تحت ..... حسبي الله ونعم الوكيل ....ما ادري اش اللي حصل بالضبط ...
والله خايفة ....المشكلة الالم وصل حده ..............خلاص ماني متحمله ياربي رحمتك يارب....

مين اللي حصل معاها كدا والتهب مكان الضرس وجلس فترة بعدين تعافت ورجعت تمارس حياتها بشكل طبيعي ....
طمنوني والله جنني الوجع .....ذبحني هلكني خلاص ....ماخليت طبيب مارحت له ....
يارب اشفيني يارب ..... يااااااااااااااارب يالهي ....
ادعوا لي الله يسعدكم لا تنسوني ......