السلام عليكم ورحمة الله وبركاته
أنا ذبحني ضرس العقل من الألم ورحت لدكتور وسوالي اشعه قالي ملتهب ومسوي خراج تحته
وعطاني حبوب مضاد ومسكن واكلتهم اسبوع بس مافي فايده الم مو طبيعي يذبح لدرجه كل اسناني الي جنبه تعورني ماني قادره احدد الألم وين وارجع له مره ثانيه ويعطيني بنج عشان يخلعه بس ماتبنجت إلا شوي يعني احس بالوجع قالي مقدر اخلعه لانه مازال ملتهب وارجع وانا قلبي خلاص بيتقطع من الوجع بس ماقدرت اتحمل قطعت شعري وانا ماحس وصداع جهة الضرس الي يوجعي فظييييع واروح مستوصف خاص الفجر بعد الصلاة واخذ إبره بالعضل والله يابنات مانفعتني مع انها قويه واتصبر كم ساعه بس لين يفتح مستوصف الأسنان وطياره عليه واقوله اخلعه عنه ماتخدر اتحمل بس افتك من الوجع وجع ساعه ولا كل ساعه والله ويعطيني ابره بنج بس ماش مابنجتني مدري وش فيني مع اني بحياتي لا خلعت ولا حشيت ضروس بس الضرس هذا عن مليون ضرس عذاب
قالي انتي متوتره الأبر مهي قادرة تاخذ مفعولها قلت بقلبي خير وش درى الأبره اني متوتره وانا لا متوتره ولا شي بس الالم بذبح وش اسوي وقعد يهاوشني وانا اقول طيب طيب وش المطلوب مني الحين قالي اهدي قلت له عطني ابره ثانيه ويعطيني واريح كم دقيقه ويبداء يخلع انا هنا بغى يغمى علي اتخيله مشرط خياطه عمليه بس اللهم لك الحمد والشكر خمس دقايق واقوله خلاص انا اقوله بس كذا عبالي توه قالي امسكي وش امسك قال امسكي ضرسك ويحطه بيدي انا شفته من هنا وانهار من هنا رجولي ماشالتني وقعد يهدي فيني المسكين خرعته المهم حط شاشه على مكان الضرس فيها شي حامض اتوقع والله اعلم انه محلول دارسين مركز ماأدري حسيته هو نفس الطعم
وقالي لاتشيلينها قبل ساعه ونص وحطي غيرها وهكذا طول اليوم والنزيف اول يوم عادي ويقولي لا تسولفين ولا تاكلين ولا تمضمضين وكولي إسكريم و صكي فمك بس
وهذا انا ماغير بالأشاره وما اكل بس عصاير
الزبده من خلعته السبت الصبح إلى الان وانا احاول افتح فمي مو قادره لدرجه نزل وزني 3 كيلو ونص خفت اقيس وزني اليوم وانصدم ماني ناقصه
اسناني طابقه على بعض احاول افتح مافيه إلا شي بسيط يادوب حبه المضاد البيضاويه تدخل لا وتدخل وانا اصيح اقسم بالله ضاق صدري وبس ابكي حسيت بنعمت النطق
وش السوات هذا شي طبيعي ولا لا وبعد اذني ذبحتني ملتهبه وتوجعني عاد هي توجعني من قبل لا اخلعه بس زادت يعني من الضرس الغبر ولالا
ومتى اقدر افتح فمي واكل والله اشتهيت الاكل تسبدي تقطع عليه
إيه خلعي خلع عادي لان ضرسي مهو مدفون لا وما فيه خياطه خلع عادي
وشاكره لكم قرائتكم ودي افضفض واشكي مالقيت غير الكتابه
والله يجزاكم خير اجمعين
النسيان طبعي @alnsyan_tbaay
عضوة جديدة
يلزم عليك تسجيل الدخول أولًا لكتابة تعليق.
مسالخير حبيبتي
انا متلك خلعت ضرسي من شي اسبوعين وصار معي نفس الشي ما اقدر افتح فمي
بكون عندك التهابات مكان ما خلعتي الضرس اشربي ادويه لتروح الالتهابات ولازم الدكتور اعطاكي ياه يوم ما خلعتي ضرسك وراح تخفي ان شاء الله
انا متلك خلعت ضرسي من شي اسبوعين وصار معي نفس الشي ما اقدر افتح فمي
بكون عندك التهابات مكان ما خلعتي الضرس اشربي ادويه لتروح الالتهابات ولازم الدكتور اعطاكي ياه يوم ما خلعتي ضرسك وراح تخفي ان شاء الله
انا خلعت نفسك ضرسي من اسبوعين جاني الم فضيع موقادره افتح فمي
اخذت مضاد حيوي كبسولات+مويه ومره+اتمضمض مويه دافيه وملح
قعدت تقريبا 8 ايام ولله الحمد شفيت
ماتشوفين شر حبيبتي
اخذت مضاد حيوي كبسولات+مويه ومره+اتمضمض مويه دافيه وملح
قعدت تقريبا 8 ايام ولله الحمد شفيت
ماتشوفين شر حبيبتي
الصفحة الأخيرة
الله يشفيك ان شاء الله