خلع ..!! طمنوني !!

الله يشفيها يارب
بس اذا كان الخلع من الولاده يعني عيب خلقي مايروح لاتخليهم يلعبون ببنتك

معليش اختي كيف لا يلعبون في بنتي ..!!
الحين الخلع موب من الولاده يجي !!؟؟
وكل اللي سوو عملية الخلع ونجحت من ايش كان الخلع يعني ..؟؟

بليز اشرحي لي وطمنيني !!

لا تشيلين هم ياكثرهم اللي مثل بنتك والحمد لله صاروا طبيعييين
انتي اسألي الطبيب عن كل شي

بنت اخوي سووتها عمرها 8 سنوات سوتها برجب وقبل الدراسه فكت الجبس 3 شهورر الحين جالسه على الكرسي جالسين يسون لها علاج طبيعي تراها عمليه خطيره لسى بنت اخوي ماندري كيف مشيتها بعدين ان شاءلله تكون تمام العمليه رجل مجبسه كلها وبين الرجلين عصايه مفرشخه الرجل والثانيه نص جبس تجلس شهر مسدوحه والشهر اللي بعده عمليه ثانيه يفكون الجبس اللي على الحوض يصير تقدر تجلس واخر شي عمليه يفكون المسامير تفجع ياطولها ويفكو الجبس الحين ياقلبي على كرسي متالمه ماتقدرتحركها غير على العلاج الطبيعي ادعولها

هلا عزيزتي

ماتشوف الا العافيه وسويت العمليه لبنتي وعمرها مثل عمر بنتك وكان خلع الولاده وهذا المسمى الطبيعي له وتطمني

ماهو عيب خلقي ولاشئ وبنتي كان الخلع في جهة اليسار فقط بالرغم شفت حالات كثيره من الوركين يعني لاتخافين

الخلع موجود بنسبة كبيره وخاصة للبنات وهذا من كلام الدكتور وسويت لها عمليه اولى يركبون داخلها اشياء ترجع الورك لوضعه

ويسوون جبس وتكون الرجول مفتوحه وبينها زي الخشبه عشان يسهل حملها وفي هذي المرحله لازم تنتبهي من ناحية الحفاظ

ولازم تحرصين مايتعرض الجبس للبلل تحطين قطن بين الجبس وبين الحفاظ ان شاء الله فهمتي علي وتجلس شهر ونص او اقل

بعدين يفكونه ويسوون عمليه ابسط من الاولى يفكون الحديد الي داخل ويصير الجبس من نص الفخذ الى الركب تقريبا وبيكون

اسهل بالنسبه لك من ناحية التغيير وغيره وتجلس شهر ويفكونه نهائيا وتجلس فتره بسيطه وتتحرك على خفيف وبعدين بتمشي

وتنطلق ان شاء الله واهم شي تراعونه بعد عمليتها الاولى الحاله النفسيه الي بتمر فيها وتحاولين تغيرين الجو عليها شوي

وتقدرين تطلعينها في العربيه بس تحطين تحتها مخده ترفعها لك ولازم يكون وضع الطفله مائل يعني ماتخلينها على ظهرها على طول

حتى مايتسرب البلل لتحت وفتره وتعدي ان شاء الله ولا تشيلين هم ابدا وعملية سهله بالمقارنه مع عمليات ثانيه شفتها فتره

التنويم وبتشوفينها انتي وتذكرين كلامي بتهون عليك صدقيني واستودعيها الله وماتشوف الا العافيه والله يخليها لك ولو عندك اي

استفسار انا موجوده وياليت على الخاص

على فكره سويت عمليتها بالرياض بمدينة الملك فهد الطبية والحمد لله كانت ناجحه اتمنى اكون افدتك ولاتنسينا من دعواتك

وبالنسبة لالاخت رماد الصمت الله يقوم بنت اخوك بالسلامه يارب وعمر 8 سنوات ترى يعتبر عمر كبير لهذي العمليه عشان كذا بتتعب بس بعدين تتشافى بحول الله

وعملية الخلع في الصغر افضل بكثير وانجح وحتى اقل من سنه لاتجرى له عمليه ولكن جهاز يؤدي الغرض ومن سنه وفوق يلزم عمليه احببت التوضيح والله يحفظها ويقومها بالسلامه